ଆଠଗଡ: ଆଠଗଡ ସୀମାବର୍ତ୍ତୀ ବାଙ୍କୀ ଥାନା ଅନ୍ତର୍ଗତ ନୂଆଓସ୍ତିଆ ଗ୍ରାମରେ ରୋଷେଇବେଳେ ଚୁଲି ନିଆଁ ଲୁଗାରେ ଲାଗି ପୋଡିଯିବାରୁ ଜଣେ ମହିଳା ଗୁରୁତର ଆହତ ହୋଇଥିବା ଜମାପଡିଛି। ନୂଆଓସ୍ତିଆର ସ୍ବର୍ଗତ କରୁଣାକର ଖଟୁଆଙ୍କ ପତ୍ନୀ ଡାଳିମ୍ବ ସାହୁ (୫୫) ଗ୍ରାମର ରଘୁନାଥ ମଠରେ ସନ୍ଧ୍ୟା ସମୟରେ ରୋଷେଇ କରୁଥିବାବେଳେ କୌଣସି କାରଣରୁ ତାଙ୍କ ପିନ୍ଧାଲୁଗାରେ ନିଆଁ ଲାଗି ଯାଇଥିଲା। ମଠରେ ଥିବା ସ୍ଥାନୀୟ ଲୋକ ସେ ପୋଡି ଯାଉଥିବାବେଳେ ତାଙ୍କୁ ଉଦ୍ଧାର କରି ଢେଙ୍କାନାଳ ସଦର ବ୍ଲକର ଶଙ୍କରପୁରଠାରେ ଥିବା ଏକ ଘରୋଇ ଚିକିତ୍ସାଳୟକୁ ନେଇ ଯାଇଥିଲେ। ତେବେ ଶରୀରର ୪୦ ପ୍ରତିଶତ ପୋଡି ସଂପୃକ୍ତ ମହିଳା ଗୁରୁତର ଥିବାରୁ ଘରୋଇ ଚିକିତ୍ସାଳୟ କର୍ତ୍ତୃପକ୍ଷ ତାଙ୍କୁ ଆଠଗଡ ଡାକ୍ତରଖାନାକୁ ନେବା ପାଇଁ ପରାମର୍ଶ ଦେଇଥିଲେ। ତାଙ୍କୁ ରୋଗୀବୁହା ଯାନରେ ଆଠଗଡ ଡାକ୍ତରଖାନା ଆଣିବା ପରେ ତାଙ୍କର ଏଠାରେ ଚିକିତ୍ସା କରାଯାଉଛି।
Popular Categories
Previous article
Next article