ଆଠଗଡ: ଆଠଗଡ ଅଦାଲତରେ କାର୍ଯ୍ୟରତ ପ୍ରଥମ ଶ୍ରେଣୀ ବିଚାର ବିଭାଗୀୟ ମାଜିଷ୍ଟେଟ ସୌମ୍ୟଶଙ୍କର ମହାନ୍ତଙ୍କୁ ତାଙ୍କ ବଦଳି ପରିପ୍ରେକ୍ଷୀରେ ଓକିଲ ସଂଘ ପକ୍ଷରୁ ବିଦାୟକାଳୀନ ସମ୍ବର୍ଦ୍ଧନା ଜ୍ଞାପନ କରାଯାଇଛି। ଶୁକ୍ରବାର ଅପରାହ୍ନରେ ଆଠଗଡ ଓକିଲ ସଂଘ ସଭାପତି ସତ୍ୟେନ ପଣ୍ଡାଙ୍କ ପୌରୋହିତ୍ୟରେ ଅନୁଷ୍ଠିତ ବିଦୟକାଳୀନ ସମ୍ବର୍ଦ୍ଧନା ସଭାରେ ଆଇନଜୀବୀ ପ୍ରାଣକୃଷ ଦାଶ, ବିଷ୍ଣୁପ୍ରସାଦ ସାହୁ, ପ୍ରସନ୍ନ କୁମାର ରାଉତ, ପ୍ରଶାନ୍ତ କୁମାର ମିଶ୍ର, ଉପସଭାପତି ଜ୍ଞାନ ପ୍ରକାଶ ଧଳସାମନ୍ତ, ସଂପାଦକ ବନବିହାରୀ ସାହୁ ଓ ଅରୁଣ କୁମାର ମହାନ୍ତି ପ୍ରମୁଖ ବିଦାୟୀ ବିଚାରପତିଙ୍କର ଦକ୍ଷତା ଓ ବହୁମୁଖୀ ପ୍ରତିଭା ସଂପର୍କରେ ଆଲୋକପାତ କରିଥିଲେ। ଏଥିରେ ସମ୍ମାନିତ ଅତିଥି ଭାବେ ଅତିରିକ୍ତ ଜିଲ୍ଲା ଓ ଦୌରାଜଜ୍ ପ୍ରଦୀପ୍ତ କୁମାର ସାହୁ, ବରିଷ୍ଠ ଦେୱାନୀ ବିଚାରପତି ଶ୍ରୀମୟୀ ଆଚାର୍ଯ୍ୟ, ଉପଖଣ୍ଡ ବିଚାର ବିଭାଗୀୟ ମାଜିଷ୍ଟେଟ ନବନୀତା ଦାଶ ଯୋଗଦେଇ ବିଦାୟୀ ବିଚାରପତି ଶ୍ରୀ ମହନ୍ତଙ୍କ ଦକ୍ଷତା ଓ କାର୍ଯ୍ୟଶୈଳୀ ଉଚ୍ଚକୋଟିର ବୋଲି ମତବ୍ୟକ୍ତ କରିଥିଲେ। ଆଇନଜୀବୀ ଯଶୋବନ୍ତ ବାରିକ ଧନ୍ୟବାଦ ଅର୍ପଣ କରିଥିଲେ।
Popular Categories
Previous article
Next article