ଆଠଗଡ/ତିଗିରିଆ: ଆଠଗଡ ଅବକାରୀ ବିଭାଗ ପକ୍ଷରୁ ତିଗିରିଆ ଥାନା ଅଞ୍ଚଳର ବିଭିନ୍ନ ସ୍ଥାନରେ ଚଢାଉ କରାଯାଇ ୯୦ଲିଟର ଚୋରା ଦେଶୀମଦ ଜବତ ସହ ବିକ୍ରୟ କରୁଥିବା ୩ଜଣଙ୍କୁ ଗିରଫ କରାଯାଇଥିବା ଜଣାପଡିଛି। ଘୋଳପୁରର ସନ୍ତୋଷ ବେହେରାଙ୍କ ଠାରୁ ୪୦ଲିଟର, ପାଞ୍ଚଗାଁର ଦିଜବର ପ୍ରଧାନଙ୍କ ଠାରୁ ୧୦ଲିଟର ଏବଂ ନୂଆପାଟଣା ବାଲିସାହିର କାର୍ତ୍ତିକ ପ୍ରଧାନଙ୍କ ଠାରୁ ୪୦ଲିଟର ଚୋରା ଦେଶୀମଦ ଜବତ କରାଯାଇଥିଲା।
ଅଭିଯୁକ୍ତ ୩ଜଣଙ୍କୁ ତିଗିରିଆ ଜେଏମଏଫସି ଅଦାଲତରେ ହାଜର କରାଯିବା ପରେ ସେମାନଙ୍କର ଜାମିନ ନାମଞ୍ଜୁର ହେବାରୁ ସେମାନଙ୍କୁ କାରାଗାର ହାଜତକୁ ପଠାଯାଇଛି। ଅବକାରୀ ନିରୀକ୍ଷକ ପ୍ରଭାସ କୁମାର ଚୌଧୁରୀ, ସହକାରୀ ନିରୀକ୍ଷକ ବିଜୟ କୁମାର ଭଞ୍ଜ, ଉପସହକାରୀ ନିରୀକ୍ଷକ ଦେବାନନ୍ଦ ଭୂୟାଁ, କନେଷ୍ଟବଳ ଦୁଷ୍ମନ୍ତ ବସନ୍ତରା, ମନୋଜ ଖାଲ୍କା ଓ ସାଇମଲ ଟୁଡୁ ପ୍ରମୁଖ ଏହି ଚଢାଉରେ ଅଂଶଗ୍ରହଣ କରିଥିଲେ।
Comments are closed.