ଆଠଗଡ : ଆଠଗଡ ଅଞ୍ଚଳରେ ଗୁରୁବାର ଅପରାହ୍ନରେ କାଳବୈଶାଖୀର ତାଣ୍ଡବ ଦେଖିବାକୁ ମିଳିଛି । ଏହାର ପ୍ରଭାବରେ ପ୍ରଵଳ ଘଡଘଡି ସହ ବର୍ଷା ଓ ପଵନ ହେବା ଫଳରେ ଆଠଗଡ଼ ଥାନା ଅନ୍ତର୍ଗତ ଆଠଗଡ-ମୁଣ୍ଡଳୀ ରାସ୍ତାର ରାଜନଗର ଛକଠାରେ ଥିବା ଏକ ହୋଟେଲର ଆଜବେଷ୍ଟସ ଛପର ଉଡେଇ ନେଇଛି। ପାଖରେ ଥିବା ଅନ୍ୟ ଏକ ହୋଟେଲର ମଧ୍ୟ ପାଚେରୀ ଭାଙ୍ଗି ପଡିଛି । ହୋଟେଲରେ ଲୋକେ ଖାଇବସିଥିବା ବେଳେ ହଠାତ୍ ପବନ ଝଡ ଆସି ତାଣ୍ଡଵ ରଚିଥିଲା। ଯାହାଫଳରେ ହୋଟେଲ ସମସ୍ତ ଖାଦ୍ୟ ନଷ୍ଟ ହେବା ସହ ଲକ୍ଷାଧିକ ଟଙ୍କାର ସାମଗ୍ରୀ ନଷ୍ଟ ହୋଇଛି । ସେହିପରି ଆଠଗଡ-ନରସିଂହ ପୁର ୬୫ ନଂ ରାଜ୍ୟ ରାଜପଥର ଗୋପୀନାଥପୁର ଏବଂ ପୁରୁଣା କଟକ-ସମ୍ବଲପୁର ରାସ୍ତାରେ ଵ୍ୟାପକ ଗଛଡାଳ ଭାଙ୍ଗିବା ଫଳରେ ସାମୟିକ ଯାନବାହାନ ଚଳାଚଳ ଓ ବିଦ୍ୟୁତ ସେବା ବାଧାପ୍ରାପ୍ତ ହୋଇଥିଲା । ପ୍ରାୟ ଅଧଘଣ୍ଟା ଧରି ପ୍ରଚଣ୍ଡ ବଜ୍ରପାତ ହୋଇଥିଲା । ବ୍ରଜପାତରେ ଯୋରନ୍ଦା ପଞ୍ଚାୟତର ପାଇକରାପୁର ଗ୍ରାମର କିଣା ଦାସଙ୍କ ଦୁଇଟି ମଇଁଷିଙ୍କର ମୃତ୍ୟୁ ଘଟିଛି । କ୍ଷୟକ୍ଷତିର ଆକଳନ ହୋଇ ନଥିବାବେଳେ ରାସ୍ତାରେ ପଡିଥିବା ଗଛ ଡାଳ କାଟି ସଫା କରିବା ଲାଗି ପ୍ରଶାସନ ପକ୍ଷରୁ ପଦକ୍ଷେପ ନିଆଯାଇଛି।
Comments are closed.