ଆଠଗଡ : ବିଜୁ ଜନତା ଦଳର ସଭାପତି ତଥା ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ନିର୍ଦ୍ଦେଶକ୍ରମେ ଅକ୍ଟୋବର ୨ ତାରିଖ ଗାନ୍ଧୀଜୟନ୍ତୀ ଠାରୁ ନଭେମ୍ବର ୨ପର୍ଯ୍ୟନ୍ତ ରାଜ୍ୟବ୍ୟାପୀ ଜନସଂପର୍କ ପଦଯାତ୍ରା ଅନୁଷ୍ଠିତ ହେଉଛି । ଏହି ପରିପ୍ରେକ୍ଷୀରେ ମନ୍ତ୍ରୀ ରଣେନ୍ଦ୍ର ପ୍ରତାପ ସ୍ୱାଇଁଙ୍କ ନିର୍ଦ୍ଦେଶକ୍ରମେ ଆଠଗଡ ବିଜେଡି ପକ୍ଷରୁ ସୋମବାର ଧାଇପୁର ପଞ୍ଚାୟତର ଗଦାଧରପୁର ଶିବମନ୍ଦିରଠାରୁ ଆରମ୍ଭ ହୋଇଥିବା ଜନସଂପର୍କ ପଦଯାତ୍ରା ଛତାବର ଶିବମନ୍ଦିରଠାରେ ଶେଷ ହୋଇଥିଲା । ଏଥିରେ ବ୍ଲକ ବିଜେଡି ସଭାପତି ରବିନ୍ଦ୍ରନାଥ ରାଉତ ଓ ଜିଲ୍ଲା ବିଜେଡି ଉପସଭାପତି ନୃସିଂହଚରଣ ମହାପାତ୍ର ଯୋଗଦେଇ ଆଠଗଡ ନିର୍ବାଚନ ମଣ୍ଡଳୀର ୬୦ହଜାର ପରିବାର ପାଖରେ ବିଜୁ ଜନତା ଦଳ ନେତୃତ୍ୱାଧୀନ ସରକାରଙ୍କର ଜନହିତକର ଓ ଲୋକାଭିମୁଖୀ ଯୋଜନାର ବାର୍ତ୍ତା ପହଞ୍ଚାଇବା ପାଇଁ ଦଳୀୟ କର୍ମୀଙ୍କୁ ପରାମର୍ଶ ଦେଇଥିଲେ । ଏହି କାର୍ଯ୍ୟକ୍ରମରେ ଦଳର ଛାମୁଁଆ ସଂଗଠନର ନେତା ପ୍ରଦୀପ୍ତ ଦାସ, ଅଶୋକ ରାଉତ, ପୂର୍ବତନ ନଗରପାଳ ରମେଶ ଚନ୍ଦ୍ର ଘଢାଇ, ଜିଲ୍ଲାପରିଷଦ ସଭ୍ୟ ବଳଭଦ୍ର ବାଘ, ଧାଇପୁର ସରପଞ୍ଚଙ୍କ ପ୍ରତିନିଧି ସଂଜୟ କୁମାର ସାହୁ, ସମିତିସଭ୍ୟ ସୋନାଲି ଗୋଚ୍ଛାୟତ, ପଞ୍ଚାୟତ ବିଜେଡି ସଭାପତି ଉଦ୍ଧବ ଚରଣ ସାହୁ, ବରିଷ୍ଠ କାର୍ଯ୍ୟକର୍ତ୍ତା ଧନେଶ୍ୱର ବେହେରା, ଶଶଧର ସାହୁ, ପ୍ରଶାନ୍ତ ସାହୁ, କୁନୁ ସାହୁ, ଛାତ୍ର ବିଜେଡି ସଭାପତି ସତ୍ୟପ୍ରିୟ ମହାନ୍ତି। ଛାତ୍ରନେତା ବିଭୂତି ଖଟୁଆ, ଶୁଭେନ୍ଦୁ ବେଉରା, ମହମ୍ମଦ ଖଲିଦ୍, ନାରୀନେତ୍ରୀ ଲକ୍ଷ୍ମୀପ୍ରିୟା ବେହେରା, ବାସନ୍ତି ରାଉଳ, ଜାନକୀଲତା ନାଏକ, ଯୁବନେତା ସରୋଜ ଦାସ, ଶିଶିର ପ୍ରସାଦ ମାନସିଂହ, ବେଣ୍ଟପଦା ସରପଞ୍ଚ ଶ୍ରୀକାନ୍ତ ପଣ୍ଡା ପ୍ରମୁଖ ଯୋଗଦେଇ ଉଦ୍ବୋଧନ ଦେଇଥିଲେ।
Comments are closed.