ରେଙ୍ଗାଲିକ୍ୟାମ୍ପ: ବଜ୍ରପାତରେ ଅଷ୍ଟଶମ୍ଭୁ ବାବା ସ୍ୱପ୍ନେଶ୍ୱର ମନ୍ଦିରରେ ଫାଟ ସୃଷ୍ଟି ହୋଇଛି। ଅତାବିରା ବ୍ଲକ ସୋର୍ଣ୍ଣା ସ୍ଥିତ ଅଷ୍ଟଶମ୍ଭୁ ମଧ୍ୟରେ ଅନ୍ୟତମ ଶୈବ ପୀଠ ବାବା ସ୍ୱପ୍ନେଶ୍ୱର ମନ୍ଦିରରେ ଗତ କାଲି ସନ୍ଧ୍ୟାରେ ହୋଇଥିବା ବଜ୍ରପାତ ଯୋଗୁଁଁ ବଡ ଫାଟ ସୃଷ୍ଟି ହେବା ସହ କଳସ କୁମ୍ଭ ଫାଟି ଯାଇଛି। ପାଞ୍ଚ ଶହ ବର୍ଷରୁ ଊର୍ଦ୍ଧ୍ବ ଏହି ମନ୍ଦିରଟି ଅତାବିରା ବ୍ଲକ ଝିଲିମିଣ୍ଡା ପଞ୍ଚାୟତରେ ଅବସ୍ଥିତ। ଏହି ଶୈବ ପୀଠଟିକୁ ପ୍ରତ୍ୟେକ ସୋମବାର ତଥା ପୁଣ୍ୟ ମାସ ଓ ଶ୍ରାବଣ ମାସରେ ହଜାର ହଜାର ଶୈବ ଭକ୍ତଙ୍କ ସମାଗମ ହୋଇଥାଏ। ଲୋକଙ୍କର ଆସ୍ଥା ଓ ବିଶ୍ବାସର ଏହି ଶୈବ ପୀଠର ଅନେକ କିମ୍ବଦନ୍ତୀ ରହିଛି। ବହୁ ପୁରୁଣା ମନ୍ଦିର ହେଲେ ମଧ୍ୟ ଆଜି ଯାଏ ଏହି ମନ୍ଦିରଟି ନିର୍ମାଣ ହେବା ଦିନରୁ ଅକ୍ଷୁର୍ଣ୍ଣ ଅବସ୍ଥାରେ ରହିଥିଲା। ବଜ୍ରପାତରେ ଏହି ମନ୍ଦିରରେ ଫାଟ ହେବା ତଥା କୁମ୍ଭ କଳସ ଫାଟି ଯିବା ନେଇ ଭକ୍ତଙ୍କ ମନରେ ଆଘାତ ଲାଗିଛି।
Comments are closed.