ବେଗୁନିଆ: ବେଗୁନିଆ ଥାନା ଅନ୍ତର୍ଗତ ବଡନୟାପଲ୍ଲୀ ଗ୍ରାମର ଜଣେ ନାବାଳିକା ଅପହରଣ କରିବା ଘଟଣାକୁ ନେଇ ଅପହରଣକାରୀ ଏବଂ ତାର ପରିବାର ଲୋକମାନେ ଗ୍ରାମର ଝିଅ ବୋହୁଙ୍କୁ ଗାଳି ଗୁଲଜ କରିବା ଘଟଣାରେ ପୁଲିସ ଗତକାଲି ରାତିରେ ୪ ଜଣଙ୍କୁ ଗିରଫ କରି କୋର୍ଟ ଚାଲାଣ କରିଛି । ବାଙ୍କପାଲ୍ଲୀ ଗ୍ରାମର ବତୀ ନାୟକଙ୍କ ପୁଅ ଲିଟୁ ନାୟକ ଗତ ଫେବୃଆରୀ ମାସରେ ବଡନୟାପଲ୍ଲୀ ଗ୍ରାମର ଜଣେ ବାଳିକାକୁ ଅପହରଣ କରି ନେଇଥିଲା । ପୁଲିସ କୌଣସି ସୂତ୍ରରୁ ଖବର ପାଇ ଅପହରଣକାରୀ ଝିଅକୁ ଆଣି ନିଜ ଘରେ ରଖିଥିବାର ଜାଣି ତାର ଘର ଉପରେ ଚଢ଼ାଉ କରିଥିଲା । ଏଥିରେ ଉତ୍ୟକ୍ତ ହୋଇ ବତୀ ନାୟକ ଏବଂ ତାର ଦୁଇ ପୁଅ ଲିଟୁ ନାୟକ, ପିଣ୍ଟୁ ନାୟକ ଏବଂ ବତୀଙ୍କର ଭାଇ କାଳନ୍ଦୀ ନାୟକ ଗ୍ରାମବାସୀମାନେ ପୋଲିସକୁ ଖବର ଦେଉଥିବାର ସନ୍ଦେହ କରି ଉଲଗ୍ନ ହୋଇ ଅଶ୍ରବ୍ୟ ଭାଷାରେ ଗାଳିଗୁଲଜ କରିବା ସହିତ ଜଣକୁ କଣ ଅପହରଣ କରିଛୁ ଗ୍ରାମର ସମସ୍ତ ଝିଅଙ୍କୁ ଅପହରଣ କରିବୁ ବୋଲି ଧମକ ଦେଇଥିଲେ । ଏ ସଂକ୍ରାନ୍ତରେ କୁନ୍ତଳା ନାୟକ ବେଗୁନିଆ ଥାନାରେ ଅଭିଯୋଗ କରିବା ପରେ ପୁଲିସ ଏସ. ଆଇ ରବିନ୍ଦ୍ରକୁମାର ପଣ୍ଡା ୧୫୭/୨୦ନମ୍ବର କେଶ ରୁଜୁ କରି ୧୫ଜଣଙ୍କ ନାମରେ ମୋକଦମା କରିଥିବାବେଳେ ସମ୍ପୃକ୍ତ ୪ଜଣଙ୍କୁ ଗିରଫ କରି ଆଜି କୋର୍ଟ ଚାଲାଣ କରିଛି ।
Popular Categories
Previous article
Next article