ଆରଡି: ଭଦ୍ରକ ଚାନ୍ଦବାଲିରେ ପୁଣି ଜନନୀ ଯନ୍ତ୍ରଣା ଦେଖିବାକୁ ମିଳିଛି। ଫୋନ୍ କରିବା ପରେ ୧୦୨ ଓ ୧୦୮ ଆମ୍ବୁଲାନ୍ସ ନ ପହଞ୍ଚିବାରୁ ଜଣେ ମହିଳା ଟଲିରେ ପ୍ରସବ କରିଛନ୍ତି । ଚାନ୍ଦବାଲି ବ୍ଳକ୍ ସେରପୁର ଗାଁର ଗର୍ଭବତୀ ଭାନୁ ମୋହଲିକ ଆଜି ସକାଳେ ପ୍ରସବ ଯନ୍ତ୍ରଣା ଅନୁଭବ କରିବାରୁ ପରିବାରଲୋକ ୧୦୨ ଓ ୧୦୮ ଆମ୍ବୁଲାନ୍ସ ଫୋନ କରିଥିଲେ । ହେଲେ ଘଣ୍ଟା ଘଣ୍ଟା ଧରି ଅପେକ୍ଷା କରିବା ପରେ ମଧ୍ୟ ଆମ୍ବୁଲାନ୍ସ ପହଞ୍ଚି ନଥିଲା। ଶେଷରେ ବାଧ୍ୟ ହୋଇ ପରିବାର ଲୋକେ ପ୍ରସୂତିଙ୍କୁ ଏକ ଟଲିରେ ଗୋଷ୍ଠୀ ସ୍ବାସ୍ଥ୍ୟକେନ୍ଦ୍ର ନେବା ବାଟରେ ତାଙ୍କର ପ୍ରସବ ହୋଇଥିଲା। ଟଲିରେ ମହିଳା ଜଣଙ୍କ ଏକ ଶିଶୁ ପୁତ୍ରକୁ ଜନ୍ମ ଦେଇଥିଲେ। ପରେ ଉଭୟ ମା ଓ ନବଜାତ ଶିଶୁପୁତ୍ରକୁ ଗୋଷ୍ଠୀ ସ୍ବାସ୍ଥ୍ୟକେନ୍ଦ୍ର ଭର୍ତ୍ତି କରାଯାଇଥିଲା। ସେଠାରେ ମା ଓ ଛୁଆ ଉଭୟ ସୁସ୍ଥ ଥିବା ଡାକ୍ତର କହିଛନ୍ତି ।
Popular Categories
Previous article
Next article