ଭୋଟ ପାଇଁ ଦାଦନ ଶ୍ରମିକଙ୍କୁ ଛୁଟି ଦେବାକୁ ନିବେଦନ

ଟିଟିଲାଗଡ : ଆସନ୍ତା ୧୧ ତାରିଖରେ ରାଜ୍ୟରେ ପ୍ରଥମ ପର୍ଯ୍ୟାୟ ନିର୍ବାଚନ ଆରମ୍ଭ ହେବ। କିନ୍ତୁ ବଲାଙ୍ଗୀର ଜିଲା ଟିଟିଲାଗଡ ଶଗଡଘାଟ ଗ୍ରାମର ଅନେକ ଓଡିଆ ଦାଦନ ଖଟିବାକୁ ରାଜ୍ୟ ବାହାରକୁ ଯାଇଛନ୍ତି। ଭୋଟ ସମୟରେ ସେମାନେ ନିଜ ଗ୍ରାମକୁ ଫେରି ମତଦାନ କରିବାକୁ ଚାହୁଁଛନ୍ତି। ମାତ୍ର ସେମାନେ ରାଜ୍ୟ ବାହାରେ ଯେଉଁ ସ୍ଥାନରେ କାମ କରୁଛନ୍ତି ସେଠାକାର ମାଲିକ ସେମାନଙ୍କୁ ଛୁଟି ଦେଉ ନାହାଁନ୍ତି। ଏନେଇ ସେମାନଙ୍କ ସମ୍ପର୍କୀୟମାନେ ଉପଜିଲାପାଳଙ୍କ ଦୃଷ୍ଟି ଆକର୍ଷଣ କରିଛନ୍ତି। ଭୋଟ ସମୟ​‌ରେ ସେମାନଙ୍କୁ କିପରି ଗ୍ରାମକୁ ଫେରାଇ ଅଣାଯିବ ସେ ନେଇ ବ୍ୟବସ୍ଥା କରିବାକୁ ଦରଖାସ୍ତ ମାଧ୍ୟମରେ ନିବେଦନ କରିଛନ୍ତି।