ନୂଆଦିଲ୍ଲୀ : କେନ୍ଦ୍ରାପଡ଼ା ସାଂସଦ ଅନୁଭବ ମହାନ୍ତି ଓ ପତ୍ନୀ ବର୍ଷା ପ୍ରିୟଦର୍ଶିନୀଙ୍କ ପାରିବାରିକ ବିବାଦର ସମାଧାନ ପାଇଁ ସୁପ୍ରିମକୋର୍ଟଙ୍କ ନିର୍ଦେଶମତେ ଅନୁଷ୍ଠିତ ପ୍ରଥମ ପର୍ଯ୍ୟାୟ ଆପୋଷ ଆଲୋଚନା ଅସମାପ୍ତ ରହିଛି। ଆଜି ସମାଧାନର କୌଣସି ବାଟ ବାହାରି ନ ପାରିବାରୁ ୨୧ ତାରିଖ ଦିନ ୧ଟା ବେଳେ ଭିଡିଓ କନ୍ଫରେନ୍ସିଂ ମାଧ୍ୟମରେ ଦ୍ବିତୀୟ ଥର ଲାଗି ଉଭୟଙ୍କ ମଧ୍ୟରେ ଆଲୋଚନା ପାଇଁ ସ୍ଥିର ହୋଇଛି।
ସୁପ୍ରିମକୋର୍ଟ ମଧ୍ୟସ୍ଥତା କେନ୍ଦ୍ରର ମଧ୍ୟସ୍ଥ ପୂଜା ଆନନ୍ଦଙ୍କ ଉପସ୍ଥିତିରେ ସାଢ଼େ ତିନି ଘଣ୍ଟା ଧରି ଆଲୋଚନା ହୋଇଥିଲା। ଭିଡିଓ କନ୍ଫରେନ୍ସିଂ ମାଧ୍ୟମରେ ଆଲୋଚନା ପ୍ରାରମ୍ଭରେ କିଛି ସମୟ ଉଭୟ ଅନୁଭବ ଓ ବର୍ଷା ନିଜ ଓକିଲଙ୍କ ସହ ଉପସ୍ଥିତ ହୋଇ ନିଜ ପକ୍ଷ ରଖିଥିଲେ। ପରେ ଅନୁଭବ ଓ ବର୍ଷାଙ୍କ ସହ ସିଧାସଳଖ କଥା ହୋଇ ସମସ୍ୟା ବିଷୟରେ ଅବଗତ ହୋଇଥିଲେ ମଧ୍ୟସ୍ଥ ପୂଜା ଆନନ୍ଦ। ଉଭୟଙ୍କ ସହ ପୂଜା ଆନନ୍ଦ ଅଲଗା ଅଲଗା କଥା ହୋଇଥିବା ମଧ୍ୟ ଜଣାପଡ଼ିଛି।
Comments are closed.