ନୀଳଗିରି: ଔପଦା ବ୍ଲକ ଦକ୍ଷିଣନରସିଂହପୁର ପଞ୍ଚାୟତ ଅଧୀନ ପ୍ରତାପଡ଼ା ଗାଁର ବିଶିଷ୍ଟ ପାଲା ଗାୟକ ଅନନ୍ତ ବେହେରା(୭୯)ଙ୍କ ପରଲୋକ ଘଟିଛି। ସେ ଅବିଭକ୍ତ ବାଲେଶ୍ୱର ଜିଲାରେ ଜଣେ ଜଣାଶୁଣା ପାଲା ଗାୟକଭାବେ ଖ୍ୟାତି ଅର୍ଜନ କରିଥିଲେ । ରାଜ୍ୟର ବହୁ ଅନୁଷ୍ଠାନ ଓ ରାଜ୍ୟ ସରକାରଙ୍କ ପାଖରୁ ମଧ୍ୟ ସେ ପୁରୁସ୍କୃତ ହୋଇଛନ୍ତି । ସେ ପାଲା ପରିବେଷଣ କରିବା ଏବଂ ବିଷୟବସ୍ତୁକୁ ଦର୍ଶକଙ୍କ ସମ୍ମୁଖରେ ଉପସ୍ଥାପନା କରିବାର ଶୈଳୀ ସ୍ୱତନ୍ତ୍ର ବୋଲି ଅଞ୍ଚଳବାସୀ କହିଛନ୍ତି । ପ୍ରାୟ ୨ବର୍ଷ ହେବ ସେ ପକ୍ଷାଘାତ ରୋଗରେ ଶିକାର ହୋଇ ଘରେ ଶଯ୍ୟାଶାୟୀ ଥିଲେ । ଏହି ପାଲା ଗାୟକଙ୍କ ପରଲୋକ ଖବରପାଇ ବାଲେଶ୍ୱର ସାଂସଦ ପ୍ରତାପ ଷଡ଼ଙ୍ଗୀ, ନୀଳଗିରି ବିଧାୟକ ସନ୍ତୋଷ ଖଟୁଆ, ସ୍ଥାନୀୟ ସରପଞ୍ଚ ପ୍ରମୁଖ ପହଞ୍ଚି ଶ୍ରଦ୍ଧାଞ୍ଜଳି ଅର୍ପଣ କରିଛନ୍ତି । ମରଶରୀରକୁ ଗ୍ରାମ ପରିକ୍ରମା କରାଯିବା ପରେ ଶେଷକୃତ୍ୟ ସମ୍ପନ୍ନ ହୋଇଥିଲା । ବଡ଼ପୁଅ କୃପାସିନ୍ଧୁ ମୁଖାଗ୍ନି ଦେଇଥିଲେ ।
Popular Categories
Previous article
Next article