ନୂଆଦିଲ୍ଲୀ : ସୁଜୁକିର ଲୋକପ୍ରିୟ କାର୍ ଅଲ୍ଟୋ ଏବେ ଏକ ନୂଆ ରୂପରେ ଫେରିବାକୁ ପ୍ରସ୍ତୁତ ହେଉଛି । ୨୦୨୫ ସୁଜୁକି ଅଲ୍ଟୋ ଫେସଲିଫ୍ଟ ଜାପାନ ବଜାରରେ ପ୍ରଦର୍ଶିତ ହୋଇଛି ଯେଉଁଥିରେ ନୂଆ ଟେକ୍ନୋଲୋଜି, ଉତ୍ତମ ଡିଜାଇନ୍ ଓ ଦମଦାର ମାଇଲେଜ୍ ସହିତ ନୂଆ ଫିଚର୍ ରହିଛି । ଏଥିରେ ସିଭିଟି ଓ ଏବଂ ଅପ୍ସନାଲ୍ ଅଲ୍ ହ୍ବିଲ୍ ଡ୍ରାଇଭ୍ ଟ୍ରାନ୍ସମିଶନ ଦିଆଯାଇଛି । ୨୦୨୫ ସୁଜୁକି ଅଲ୍ଟୋରେ ଫ୍ରଣ୍ଟ୍ ଗ୍ରିଲକୁ ନୂଆ ରୂପ ଦିଆଯାଇଛି ଯେଉଁଥିରେ ଏବେ ରଡାର ମଡ୍ୟୁଲ ମଧ୍ୟ ସାମିଲ । ବମ୍ପର ଏବେ ପୂର୍ବ ଅପେକ୍ଷା ଅଧିକ ରାଉଣ୍ଡେଡ୍ ଏବଂ ଆଧୁନିକ ନଜର ଆସୁଛି । ଏହା ସହିତ ଏଥିରେ ନୂଆ ଟେରାକୋଟା ପିଙ୍କ୍ କଲର ଏବଂ ସଫ୍ଟ ବେଜ୍ ରୁଫ୍ ଭଳି ଷ୍ଟାଇଲିସ୍ ଡୁଆଲ ଟୋନ୍ ବିକଳ୍ପ ଯୋଡାଯାଇଛି ।
ନୂଆ ମଡେଲ ଏବେ ଅଧିକ ସ୍ମାର୍ଟ ହୋଇଯାଇଛି । ଏଥିରେ ଡୁଆଲ ସେନ୍ସର ବ୍ରେକ୍ ସପୋର୍ଟ ୨ ଭଳି ଟେକ୍ନୋଲୋଜି ଦିଆଯାଇଛି ଯାହା ଏଇବିକୁ ସପୋର୍ଟ କରେ । ଏହା ବ୍ୟତୀତ ଲେନ୍ ଡିପାର୍ଚର ଆସିଷ୍ଟ, ରିୟର ପାର୍କିଂ ସେନ୍ସର, ଏବଂ ଲୋ-ସ୍ପିଡ୍ ବ୍ରେକିଂ ଭଳି ସେଫ୍ଟି ଫିଚର୍ ଏବେ ଷ୍ଟାଣ୍ଡାର୍ଡ । ବର୍ତ୍ତମାନ ସୁଦ୍ଧା ୨୦୨୫ ସୁଜୁକି ଅଲ୍ଟୋ ଭାରତରେ ଲଞ୍ଚ୍ ହେବା ନେଇ କୌଣସି ସୂଚନା ଆସିନି । ଭାରତରେ ଅଲ୍ଟୋକୁ ବଜେଟ କାର ରୂପେ ଦେଖାଯାଏ କିନ୍ତୁ ଜାପାନରେ ଏହା ଏକ ପ୍ରିମିୟମ୍ କାର୍ କେଇ(Kei) ନାଁରେ ବିକ୍ରି କରାଯାଏ ।
