ନୂଆଦିଲ୍ଲୀ : ସାମାଜିକ ଗଣମାଧ୍ୟମରେ ଏକ ଭିଡିଓ ଏବେ ଭାଇରାଲ ହେବାରେ ଲାଗିଛି ଯେଉଁଥିରେ ଏକ ଅଜବ ଦୃଶ୍ୟ ଦେଖିବାକୁ ମିଳୁଛି । ଜଣେ ମହିଳା କାରରେ ବୁଲିବାକୁ ଯାଇଥିବାବେଳେ ଜଙ୍ଗଲରେ ଏକ ବିରଳ ଏଲ୍ବିନୋ ହରିଣକୁ ଦେଖିଛନ୍ତି । ଏହି ଦୃଶ୍ୟକୁ ସେ ସାମାଜିକ ଗଣମାଧ୍ୟମରେ ପୋଷ୍ଟ କରିବା ପରେ ଭିଡିଓଟି ଭାଇରାଲ ହୋଇଯାଇଛି । ସମସ୍ତେ ଏହି ହରିଣକୁ ଦେଖି ଚକିତ ହେଉଛନ୍ତି । ତେବେ ଏହି ଦୃଶ୍ୟଟି କେଉଁ ସ୍ଥାନର ସେ ସମ୍ପର୍କରେ କିଛି ସ୍ପଷ୍ଟ ସୂଚନା ମିଳିପାରିନି । ଭିଡିଓଟି ପ୍ରଥମେ ଟିକଟକ୍ ଓ ପରେ ଏକ୍ସରେ ସେୟାର ହୋଇଛି ।
ମହିଳାଜଣକ କ୍ୟାପ୍ସନରେ ଅବିଶ୍ୟସନୀୟ ବୋଲି ଲେଖିଛନ୍ତି । ଭିଡିଓ ଦେଖି ୟୁଜର୍ସ ପ୍ରଥମେ ନିଜ ଆଖିକୁ ବିଶ୍ବାସ କରିପାରୁନଥିବା ପ୍ରତିକ୍ରିୟା ଦେଇଛନ୍ତି । ସମସ୍ତେ ଏହାକୁ ବରଫରେ ପ୍ରସ୍ତୁତ ହରିଣ ବୋଲି କହୁଛନ୍ତି । ତେବେ ହରିଣଟି ଚଳପ୍ରଚଳ କରିବା ପରେ ହିଁ ଏହା ଏକ ପ୍ରକୃତ ହରିଣ ବୋଲି ଜଣାପଡୁଛି । ସମସ୍ତେ ପ୍ରତିକ୍ରିୟା ରଖି ଅତି ସୁନ୍ଦର ଜୀବ ବୋଲି କହୁଛନ୍ତି ।
ଏଲ୍ବିନୋ ହରିଣ ଏକ ବିରଳ ଜୀବ । ପ୍ରତି ଲକ୍ଷେ ହରିଣରେ ଗୋଟିଏ ଏଲବିନୋ ହରିଣ ଥାଏ । ଏହା ନିଜ ରଙ୍ଗ ପାଇଁ ଅନ୍ୟ ହରିଣଠୁ ଭିନ୍ନ ହୋଇଥାଏ । ଏହାର ମେଲାନିନ୍ କମ୍ ଥିବାରୁ ଏହାର ରଙ୍ଗ ଧଳା ହୋଇଥାଏ । ଏହାକୁ ନେଇ ଅନେକ ଲୋକକଥା ମଧ୍ୟ ଶୁଣିବାକୁ ମିଳିଥାଏ ।
