ପୂର୍ବତନ ବିଶ୍ବସୁନ୍ଦରୀ ଐଶ୍ବର୍ଯ୍ୟା ରାୟ ବଚ୍ଚନଙ୍କ କ୍ୟାରିୟରରେ ଏବେ କଳା ବାଦଲ ଢାଙ୍କି ହୋଇଛି କହିଲେ ଭୁଲ ହେବନାହିଁ। ଚଳଚ୍ଚିତ୍ର ‘ଫନ୍ନେ ଖାନ୍’ର ବିଫଳତା ପରେ ଐଶ୍୍ଙ୍କ ବ୍ୟତିବ୍ୟସ୍ତତା ସମସ୍ତେ ଜାଣିଗଲେଣି। ଏଇ କିଛିଦିନ ତଳେ ଐଶ୍ଙ୍କ ନଣନ୍ଦ ଶ୍ବେତା ବଚ୍ଚନ ମୁମ୍ବଇରେ ନିଜ ବ୍ରାଣ୍ଡରେ ଏକ ଶୋ’ରୁମ୍ ଖୋଲିଛନ୍ତି। ପୂରା ବଚ୍ଚନ ପରିବାର ସେଠାରେ ଉପସ୍ଥିତ ଥିଲେ। ଝିଅ ଶ୍ବେତାର ଏଇ ପଦକ୍ଷେପରେ ବାପା ଅମିତାଭ ବଚ୍ଚନ ଓ ମା ଜୟା ବଚ୍ଚନ ଖୁବ୍ ଖୁସି ଥିଲେ। ଯଦିଓ ଐଶ୍ ସ୍ବାମୀ ଅଭିଷେକ ବଚ୍ଚନଙ୍କ ସହ ସେଠାକୁ ଯାଇଥିଲେ, କିନ୍ତୁ ଆଦୌ ଖୁସିନଥିଲେ। କାରଣ ଶ୍ବେତା ମୁଖ୍ୟ ଅତିଥି ଭାବେ କରିସ୍ମା କପୁରଙ୍କୁ ନିମନ୍ତ୍ରିତ କରିଥିଲେ। ଅଭିଷେକଙ୍କ ପୂର୍ବତନ ପ୍ରେମିକାଙ୍କୁ ମୁଖ୍ୟ ଅତିଥି ଭାବେ ନିମନ୍ତ୍ରିତ କରିବା ଐଶ୍ଙ୍କ ପକ୍ଷେ ଏତେ ସହଜ ପରିସ୍ଥିତି ନ ଥିଲା। ଅମିତାଭ ଏଭଳି ସ୍ଥିତିରେ ନା ଝିଅକୁ ନା ବୋହୂକୁ ବୁଝାଇ ପାରୁଥିଲେ। ଅନ୍ୟ ପାଖେ ଐଶ୍ଙ୍କ ଆଗାମୀ ଚଳଚ୍ଚିତ୍ର ‘ଗୁଲାବ ଜାମୁନ୍’କୁ ନେଇ ମଧ୍ୟ ସ୍ଥିତି ସମ୍ପୂର୍ଣ୍ଣ ଟଳମଳ। ଅନୁରାଗ କଶ୍ୟପ ଏବେ ଐଶ୍ଙ୍କୁ ନେବେ କି ନାହିଁ ଏହି ଚଳଚ୍ଚିତ୍ରରେ, ତାହା ଜଣାପଡ଼ୁନାହିଁ। ଯାହା ଦେଖାଯାଉଛି, ଐଶ୍ ଏଥରକ ନିର୍ଦେଶନା କ୍ଷେତ୍ରକୁ ଓହ୍ଲାଇବା ଥୟ।
Popular Categories
Previous article
Next article