ସମାଜ ଡିଜିଟାଲ ଡେସ୍କ: ଟେଲିକମ କମ୍ପାନୀ ଏୟାରଟେଲ ପକ୍ଷରୁ ଏକ ନୂଆ ପ୍ଲାନ ଜାରି କରାଯାଇଛି। ଏହା ପୂର୍ବ ପ୍ଲାନଗୁଡ଼ିକ ତୁଳନାରେ ଶସ୍ତା ରହିଥିବାବେଳେ ଗ୍ରାହକଙ୍କୁ ବହୁତ ଆକୃଷ୍ଟ କରିବ ନିଶ୍ଚୟ। କାରଣ ବର୍ତ୍ତମାନ ୨୮ ଦିନ ଅସୀମିତ କଲିଂ ସାଙ୍ଗକୁ ଦୈନିକ ୧.୫ ଜିବି ଡାଟା ପାଇଁ ଉପଭୋକ୍ତାଙ୍କୁ ୨୩୯ ଟଙ୍କା ରିଜାର୍ଜ କରୁଥିବାବେଳେ ନୂଆ ପ୍ଲାନରେ କମ୍ପାନୀ ଏହାକୁ ଅଧିକ ଶସ୍ତା କରିଦେଇଛି। ଏଣିକି ୨୭୯ ଟଙ୍କା ରିଜାର୍ଜ କଲେ ଦୈନିକ ୨ ଜିବି ଡାଟା ସହିତ ଦେଢ଼ ମାସ ଅର୍ଥାତ ୪୫ ଦିନ ପର୍ଯ୍ୟନ୍ତ ଅନଲିମିଟେଡ କଲିଂ ସୁବିଧା ମିଳିବ।
ଏହାବ୍ୟତୀତ ଦେଢ଼ ମାସ ମଧ୍ୟରେ ଉପଭୋକ୍ତା ୬୦୦ ମାଗଣା ଏସଏମଏସ କରିପାରିବେ। ଏହି ପ୍ଲାନ ଅନୁସାରେ ଉପଭୋକ୍ତାଙ୍କୁ ଦୈନିକ ୬ ଟଙ୍କା ୨୦ ପଇସା ଖର୍ଚ୍ଚ କରିବାକୁ ପଡ଼ିବ। ସେହିପରି ଏହି ନୂଆ ପ୍ଲାନରେ ଥ୍ୟାଙ୍କ୍ସ ବେନିଫିଟ ମଧ୍ୟ ଦିଆଯାଉଛି। ମାଗଣା ହାଲୋ ଟ୍ୟୁନ୍, ୱିଙ୍କ ମ୍ୟୁଜିକ ସବସ୍କ୍ରିପସନ ଦିଆଯାଉଛି। ଯେଉଁମାନଙ୍କ ପାଇଁ ଦୈନିକ ୨ ଜିଡି ଡାଟା ପର୍ଯ୍ୟାପ୍ତ ସେମାନଙ୍କ ପାଇଁ ଏହି ପ୍ଲାନ ଲାଭଦାୟକ ହେବ ବୋଲି କୁହାଯାଇଛି।
Comments are closed.