ଗଭୀର ସମୁଦ୍ରରେ ଫସିଛନ୍ତି ୧୧ ମତ୍ସ୍ୟଜୀବୀ, ଏୟାରଲିଫ୍ଟରେ ଉଦ୍ଧାର କଲା ପ୍ରଶାସନ

ବ୍ରହ୍ମପୁର: ଅଶାନ୍ତ ସମୁଦ୍ର ଭିତରେ ଫସିଛନ୍ତି ୧୧ ମତ୍ସ୍ୟଜୀବୀ। ମାଛଧରା ଡଙ୍ଗା ସହ ଗଭୀର ସମୁଦ୍ର ଭିତରେ ଫସି ରହିଥିଲେ। ଗଞ୍ଜାମ ଜିଲା ସୋନପୁର ନିଟକ ସମୁଦ୍ରରେ ଫସିଥିଲେ ମତ୍ସ୍ୟଜୀବୀ। ମାଛ ଧରିବାକୁ ଯାଇଥିଲେ, ଫେରିବାବେଳେ ଡଙ୍ଗାରେ ଯାନ୍ତ୍ରିକ ତୃଟି ଦେଖାଦେଇଥିଲା। ଗଭୀର ସମୁଦ୍ର ଭିତରେ ଫସି ରହିଥିବା ମତ୍ସ୍ୟଜୀବୀମାନେ ସେଠାରୁ ଉଦ୍ଧାର ପାଇଁ ପ୍ରଶାସନକୁ ନିବେଦନ ପରେ ଅପରେସନ ପାଇଁ ପ୍ରସ୍ତୁତି ହୋଇଥିଲା। ଫସି ରହିଥିବା ସମସ୍ତ ମତ୍ସ୍ୟଜୀବୀଙ୍କୁ ଏୟାରଲିଫ୍ଟ ଦ୍ବାରା ଉଦ୍ଧାର କରାଯିବା ପାଇଁ ଯୋଜନା ପ୍ରସ୍ତୁତ କରାଯାଇଥିଲା। ବୋଲି ଉପଜିଲାପାଳ ସୂଚନା ଦେଇଛନ୍ତି।

ମିଳିଥିବା ସୂଚନା ଅନୁଯାୟୀ ସୋନପୁର ପ୍ରଶାସନିକ ଅଧିକାରୀ ଓ ପୁଲିସ ଟିମ ଘଟଣାସ୍ଥଳରେ ପହଞ୍ଚି ଥିଲା। ବର୍ତ୍ତମାନ ସମସ୍ତ ମତ୍ସ୍ୟଜୀବୀଙ୍କ ଏୟାରଲିଫ୍ଟ କରାଯିବା ନେଇ ପ୍ରୟାସ ଚାଲିଥିବା ଜଣାପଡ଼ିଛି।