ଏକ ରିପୋର୍ଟରୁ ଜଣାପଡିଛି ଯେ, ଦିନ ବେଳା ଘରେ ଭିତର ବାୟୁ ଅଧିକ ପ୍ରଦୂଷଣ ହୋଇଥାଏ । ଭାକ୍ୟୁମିଂ କରିବା, ରୋଷେଇ କରିବା , ଘର ଝାଡାଝଡି କରିବା ଆଦି ଘର ଭିତର ବାୟୁ ପ୍ରଦୂଷଣର ମୁଖ୍ୟ କାରଣ । ଘର ଭିତରେ ହେଉଥିବା ବାୟୁ ପ୍ରଦୂଷଣ ଯୋଗୁଁ ଏହା ସ୍ବାସ୍ଥ୍ୟ ଉପରେ ଗୁରୁତର ପ୍ରଭାବ ପକାଇଥାଏ । ବିଶେଷ କରି ଆଜମା ବା ଶ୍ବାସ ରୋଗୀଙ୍କ ପାଇଁ ଏହା ପ୍ରାଣ ଘାତକ ହୋଇପାରେ ।
ବାହାର ପ୍ରଦୂଷଣ ସ୍ତର ତୁଳନାରେ କିଛି ଘରର ପ୍ରଦୂଷଣ ସ୍ତର ୧୦ରୁ ୩୦ ଗୁଣ ଅଧିକ ହୋଇଥାଏ । କେତେକ ନିତ୍ୟ ବ୍ୟବହାର୍ଯ୍ୟ ଜିନିଷ, ଗୃହ ଉପକରଣ, ରଙ୍ଗ, ପୋଷା ପଶୁ ଠାରୁ ଆଲର୍ଜି ଏବଂ ରୋଷେଇ ଗ୍ୟାସ୍ ଆଦି ଦ୍ବାରା ଘର ଭିତରେ ବାୟୁ ପ୍ରଦୂଷଣ ଅଧିକ ହୋଇଥାଏ । ଏହା ମନୁଷ୍ୟ ଶରୀର ଅଧିକାଂଶ ଅଙ୍ଗକୁ ପ୍ରଭାବିତ କରିଥାଏ । ବାୟୁ ମଣ୍ଡଳରେ ଥିବା ବିଷାକ୍ତ ଉପାଦାନ ସିଧା ସଳଖ ପ୍ରଶ୍ବାସ ଜରିଆରେ ଫୁସଫୁସକୁ ଆକ୍ରାନ୍ତ ହୋଇଥାଏ । ଏହା ଦ୍ବାରା ଆଜମା ଓ ଫୁସଫୁସ କର୍କଟ ଭଳି ମାରତ୍ମକ ରୋଗ ସୃଷ୍ଟି ହୁଏ ।
ଘର ଭିତର ବାୟୁକୁ ପ୍ରଦୂଷଣ ମୁକ୍ତ ରଖିବାର ଉପାୟ
ଘର ଓ କାର୍ଯ୍ୟାଳୟର ଆର୍ଦ୍ରତା ନିୟନ୍ତ୍ରଣ କରନ୍ତୁ ।
ରୋଷେଇ ଘର ଓ ଶୌଚାଳୟରେ ବାୟୁ ନିଷ୍କାସନକାରୀ (ଏଗଜଷ୍ଟିଂ) ଫ୍ୟାନ୍ ଲଗାନ୍ତୁ ।
ଘରୋଇ ଉପକରଣକୁ ଭଲ ଭାବରେ ସଫା ରଖନ୍ତୁ ଏବଂ ଧୂଳି ଜମିବାକୁ ଦିଅନ୍ତୁ ନାହିଁ ।
କାର୍ପେଟ ବା ପାପୋଛକୁ ସଫା ଓ ସୁଖିଲା ରଖନ୍ତୁ ।
ତକିଆ, କମ୍ବଳ ଓ ଶୋଇବା ଶେଯକୁ ନିୟମିତ ସମୟ ବ୍ୟବଧାନରେ ୬୦ ଡିଗ୍ରୀ ସେଲସିୟସ୍ ତାପମାତ୍ରରେ ଧୁଅନ୍ତୁ ।
ଚଟାଣକୁ ନିୟମିତ ଭାବେର ସଫା ରଖନ୍ତୁ ।
