ଭୁବନେଶ୍ୱର: ଭୁବନେଶ୍ୱର ଏମସ୍ରେ ଏମ୍ବିବିଏସ୍ ଦ୍ୱିତୀୟ ବର୍ଷ ପଢୁଥିବା କାଶ୍ମୀର ଛାତ୍ର ସୁହେଲ ଅଜିଜ ନିଖୋଜ ହୋଇଯାଇଛନ୍ତି । ଏ ବିଷୟରେ ସୁହେଲଙ୍କ ପିତା ଭୁବନେଶ୍ୱରରେ ଅଭିଯୋଗ କରିଛନ୍ତି । ସେ ଭୁବନେଶ୍ୱରରେ ପୁଲିସ କମିଶନରଙ୍କ ସହ ଡିସିପିଙ୍କୁ ଭେଟିଛନ୍ତି ।
ଫେବ୍ରୁଆରୀ ୯ ତାରିଖରେ ସୁହେଲ ଚଣ୍ଡୀଗଡରେ ଜଣେ ବନ୍ଧୁଙ୍କର ବାହାଘର ଭୋଜିରେ ଯୋଗ ଦେବେ କହି ହଷ୍ଟେଲ ଛାଡିଥିଲେ। ଫେବ୍ରୁଆରୀ ୧୭ ତାରିଖରେ ଫେରିବେ ବୋଲି କହିଥିଲେ। ମାତ୍ର ଏହାପରେ ସେ ଫେରି ନାହାନ୍ତି । ମାତ୍ର ନିଜ ଛାତ୍ରବାସରେ ସମସ୍ତଙ୍କୁ ଧନ୍ୟବାଦ ଦେବା ସହ ‘ଆଇ କ୍ୱିଟ’ ବୋଲି ଏକ ହାତ ଲେଖା ହଷ୍ଚେଲରେ ଛାଡିଥିଲେ ।
ସୁହେଲ କୁଆଡେ ଯାଇଛନ୍ତି ସେ ବିଷୟରେ ଜାଣି ନ ଥିବା ତାଙ୍କ ପିତା କହିଛନ୍ତି । ସେ ଫେବ୍ରୁଆରୀ ୭ ତାରିଖରେ ତାଙ୍କ ଆକାଉଣ୍ଟରେ କିଛି ଟଙ୍କା ପଠାଇଥିଲେ ।ପୁଲିସ ଏବେ ତଦନ୍ତ ଆରମ୍ଭ କରିଛି । ତାଙ୍କ ଫୋନ ହାଓଡା ଷ୍ଟେସନ ନିକଟରେ ସ୍ୱିଚ ଅଫ୍ ହୋଇଥିବା ଟ୍ରାକିଙ୍ଗ୍ରୁ ଜଣାପଡିଛି । ଏବେ ହାଓଡା ଷ୍ଟେସନରେ ଲାଗିଥିବା ବିଭିନ୍ନ ସିସିଟିଭି ଫୁଟେଜ୍ ଯାଞ୍ଚ କରାଯାଉଛି ବୋଲି ପୁଲିସ କମିଶନର ଓ୍ୱାଇବି ଖୁରାନିଆ କହିଛନ୍ତି ।
