ନିଜର କଠିନ ପରିଶ୍ରମ ଏବଂ ଦେବଦେବୀଙ୍କ କୃପା ମିଳିଲେ ହିଁ ମଣିଷ ଅନେକ କ୍ଷେତ୍ରରେ ସଫଳତା ଲାଭ କରିଥାଏ। ବର୍ତ୍ତମାନର ପ୍ରତିଦ୍ୱନ୍ଦିତା ମୂଳକ ସମୟରେ ଅନେକ ପ୍ରୟାସ ପରେ ମଧ୍ୟ କେତେକ ଲୋକ ବିଭିନ୍ନ କ୍ଷେତ୍ରରେ ବିଫଳତା ଲାଭ କରିଥାନ୍ତି। ତେବେ ସକରାତ୍ମକ ଚିନ୍ତାଧାରା ରଖି ଭଗବାନଙ୍କ ଉପରେ ଆସ୍ଥା ଓ ଅତୁଟ ବିଶ୍ୱାସ ରଖି କାର୍ଯ୍ୟ କରି ଚାଲିଲେ ନିଶ୍ଚୟ ସଫଳତା ମିଳିବ । ଭିନ୍ନ ଭିନ୍ନ କ୍ଷେତ୍ରରେ ସଫଳତା ପାଇଁ ନିର୍ଦ୍ଧିଷ୍ଟ ଦେବଦେବୀଙ୍କୁ ପୂଜା କରିବା ପାଇଁ ପରାମର୍ଶ ଦିଆଯାଏ। ଆସନ୍ତୁ ଜାଣିବା କେଉଁ କାର୍ଯ୍ୟ ପାଇଁ କେଉଁ ଦେବତାଙ୍କୁ ପୂଜା କଲେ ସୁଫଳ ମିଳିଥାଏ…
ଚାକିର : ଚାକରି ପାଇବା ଅବା ଚାକିର କ୍ଷେତ୍ରରେ ଲାଗି ରହିଥିବା ସମସ୍ୟା ପାଇଁ ଭଗବାନ ବିଷ୍ଣୁଙ୍କୁ ପୂଜା କରନ୍ତୁ। କାରଣ ଆପଣଙ୍କ ଉପରେ ଭଗବାନ ବିଷ୍ଣୁ ସନ୍ତୁଷ୍ଟ ହେଲେ ସବୁ କ୍ଷେତ୍ରରେ ସଫଳତା ପାଇ ପାରିବେ। ତେବେ ଭଗବାନ ବିଷ୍ଣୁ ଓ ମାଆ ଲକ୍ଷ୍ମୀଙ୍କୁ ପୂଜା କଲେ ଅଧିକ ସୁଫଳ ମିଳିଥାଏ।
ବ୍ୟବସାୟ : ବ୍ୟବସାୟରେ ଉନ୍ନତି ପାଇଁ ଭାଗବାନ ଗଣେଶଙ୍କୁ ପୂଜା କରନ୍ତୁ। ସାଧାରଣତଃ ବ୍ୟବସାୟୀମାନେ ଦେକାନ ତଥା ନିଜ ବ୍ୟବସାୟିକ ପ୍ରତିଷ୍ଠାନରେ ଗଣେଶଙ୍କୁ ପୂଜା କରିଥାନ୍ତି। ତେଣୁ ବିଦ୍ୟା, ବୁଦ୍ଧି ଓ ସଦ୍ଧି ଦାତା ଗଣେଶଙ୍କୁ ପୂଜା କଲେ ନିଶ୍ଚୟ ବ୍ୟବସାୟରେ ଉନ୍ନତି ଘଟିବ।
ପ୍ରେମ : ଭଗବାନ ଶ୍ରୀକୃଷ୍ଣଙ୍କୁ କୁହାଯାଏ ରସିକ ନାଗର ନଟବର। ତେଣୁ ନିଜର ଜୀବନସାଥୀ ଅବା ବନ୍ଧୁଙ୍କୁ ପ୍ରେମରେ ବାନ୍ଧି ରଖିବା ପାଇଁ ଭଗବାନ ଶ୍ରୀକୃଷ୍ଣଙ୍କୁ ପୂଜା କରନ୍ତୁ। ଘରେ ଭଗବାନ ଶ୍ରୀକୃଷ୍ଣଙ୍କୁ ପୂଜା କରନ୍ତୁ ଏବଂ କୌଣସି କାର୍ଯ୍ୟରେ ଯିବା ସମୟରେ ଠାକୁରଙ୍କୁ ମୁଣ୍ଡିଆ ମାରି ଘରୁ ବାହାରନ୍ତୁ ।
ପାରିବାରିକ ଶାନ୍ତି : ବର୍ତ୍ତମାନର ପରିସ୍ଥିତିରେ ଘର ପରିବାରରେ ଶାନ୍ତି ବଜାୟ ରଖିବା ଏକ ଗୁରୁତ୍ୱପୂର୍ଣ୍ଣ କାର୍ଯ୍ୟ। ତେଣୁ ଘରେ ସୁଖ ଶାନ୍ତି ପାଇଁ ଭଗବାନ ଶ୍ରୀରାମ, ଲକ୍ଷ୍ମଣ ଓ ମାତା ସୀତଙ୍କୁ ପୁଜା କରନ୍ତୁ।
ବିଶେଷ କରି ଘରେ ଧୂପ ଦୀପ ଆଦି ଦେଇ ପୂଜା କଲେ ନକରାତ୍ମକ ଶକ୍ତିର ପ୍ରଭାବ ହ୍ରାସ ପାଇଥାଏ। ତେଣୁ ଠାକୁର ଘର ସହିତ ଅନ୍ୟ ଘରେ ମଧ୍ୟ ଧୂପ ଦେବା ଉଚିତ।
