ମାଡ୍ରିଡ୍ – ସ୍ପେନ୍ର ଜଣେ ମହିଳା ପର୍ବତାରୋହଣ କରୁଥିବା ମହିଳା ୨୩୦ଫୁଟ୍ ଗଭୀର ଗୁମ୍ଫାରେ ୫୦୦ ଦିନ ରହିବା ପରେ ବାହାରକୁ ବାହାରିଛନ୍ତି । ଏହି ୫୦୦ ଦିନ ସେ ବାହ୍ୟ ଜଗତରୁ ସମ୍ପୂର୍ଣ୍ଣ ବିଚ୍ଛିନ୍ନ ଥିଲେ । ଗୁମ୍ଫା ଭିତରେ ତାଙ୍କର ଦୁଇଟି ଜନ୍ମଦିନ ବିତିଛି । ରୁଷ୍-ୟୁକ୍ରେନ୍ ଯୁଦ୍ଧ ଆରମ୍ଭ ପୂର୍ବରୁ, ବ୍ରିଟେନ୍ର ରାଣୀ ଏଲିଜେବେଥ୍ ଦ୍ୱିତୀୟ ମୃତ୍ୟୁ ପୂର୍ବ ଏବଂ ସ୍ପେନ୍ରେ କୋଭିଡ୍ ପାଇଁ ମାସ୍କ କଟଣା ଉଠିବା ପୂର୍ବରୁ ସେ ଏହି ଗୁମ୍ଫା ଭିତରକୁ ଏକ ଗବେଷଣା କାର୍ଯ୍ୟପାଇଁ ପ୍ରବେଶ କରିଥିଲେ ।
ଏପ୍ରିଲ୍ ୧୪ରେ ତାଙ୍କର ଗବେଷଣା ଟିମ୍ ତାଙ୍କୁ ଗୁମ୍ଫାରୁ ବାହାରକୁ ଆଣିଥିଲା । ୪୮ ବର୍ଷରେ ଗୁମ୍ଫାରେ ପ୍ରବେଶ କରିଥିବା ବିଟ୍ରିଜ୍ ଫ୍ଲାମିନି ୫୦ ବର୍ଷ ବୟସରେ ଗୁମ୍ଫାରୁ ବାହାରିଛନ୍ତି । ସେ ଗୁମ୍ଫାରୁ ବାହାରକୁ ବାହାରିବା ପାଇଁ ଚାହୁଁ ନଥିବା କଥା କହିଛନ୍ତି । କଳା ଚଷମା ପିନ୍ଧି ସେ ବାହାରକୁ ଆସିବା ବେଳେ ସବୁଦିନ ପାଇଁ ବାହ୍ୟ ଦୁନିଆଁରୁ ବିଚ୍ଛିନ୍ନ ହୋଇ ଗୁମ୍ଫା ଭିତରେ ରହିବା ପାଇଁ ସେ ଚାହୁଁଥିବା କଥା କହିଥିଲେ ।
ସେ ଗୁମ୍ଭାରେ ରହିଥିବା ବେଳେ ୬୦ ଟି ବହି ପଢିସାରିଥିବା ବେଳେ ଚିତ୍ର ଆଙ୍କିବା ଉଲ୍ରେ ବୁଣାବୁଣି କରିବା ନିଜର ପୋଷାକ ସଫା କରିବାରେ ସମୟ ବିତାଇଥିଲେ । ଗବେଷଣା କରୁଥିବା ଟିମ୍ ତାଙ୍କୁ ପାନିକ୍ ବଟନ୍ ଦେଇଥିଲେ ମଧ୍ୟ ସେ ଏହାର ବ୍ୟବହାର କରି ନଥିଲେ । ପ୍ରାୟ ୨ ମାସ ପରେ ସେ ସମୟ ବା ତାରିଖ ଗଣିବା ଭୁଲିଯାଇଥିଲେ ବୋଲି ସେ କହିଥିଲେ ।
ସାଙ୍ଗରେ ନଇଥିବା ପାଣି ଏବଂ ସଂରକ୍ଷିତ ଖାଦ୍ୟରେ ତାଙ୍କର ୫୦୦ ଦିନ ବିତିଥିଲା । ସେ ପ୍ରାୟ ୧୦୦୦ ଲିଟର ପାଣି ପିଇଥିଲେ । ଗୁମ୍ଫାରେ ରହିଥିବା ବେଳେ ନିଜର ଅନ୍ତରତ୍ମା ସହ କଥାବାର୍ତ୍ତା ହେବା ସେ ଶିଖିଯାଇଥିବା କଥା କହିଛନ୍ତି । ଏବେ ଏହାର କି ପ୍ରଭାବ ତାଙ୍କ ମନ ମସ୍ତିଷ୍କ ଏବଂ ଶରୀର ଉପରେ ପଡିଛି ତାହାର ବିଶ୍ଲେଷଣ କରାଯିବ ।
