ମୁମ୍ବାଇ: ବଲିଉଡ ଅଭିନେତ୍ରୀ ହୁମା କ୍ୟୁରେଶିଙ୍କ ସମ୍ପର୍କୀୟ ଭାଇଙ୍କୁ ହତ୍ୟା ଘଟଣାରେ ତଦନ୍ତ ଜାରି ରହିଛି । ଦିଲ୍ଲୀର ନିଜାମୁଦ୍ଦିନ ଅଞ୍ଚଳରେ ପାର୍କିଂ ବିବାଦକୁ ନେଇ ହୁମାଙ୍କ ଭାଇ ଓରଫ ଆସିଫ୍ କ୍ୟୁରେଶିଙ୍କୁ ହତ୍ୟା କରାଯାଇଥିବା ଜଣାପଡିଛି । ହତ୍ୟା ଘଟଣାରେ ସଂପୃକ୍ତ ୨ ଅଭିଯୁକ୍ତଙ୍କୁ ଗିରଫ କରିଛି ପୁଲିସ । ଏକ ସିସିଟିଭି ଫୁଟେଜକୁ ନେଇ ପୁଲିସ ତଦନ୍ତ ଜରୁଛି । ମିଳିଥିବା ସୂଚନା ଅନୁସାରେ ଗୁରୁବାର ବିଳମ୍ବିତ ରାତିରେ ଏହି ହତ୍ୟାକାଣ୍ଡ ଘଟିଥିଲା । ସିସିଟିଭି ଫୁଟେଜରୁ ଜଣାପଡିଛି ଯେ ଯୁବକମାନେ ଆସିଫ୍ଙ୍କୁ ଗାଳିଗୁଲଜ କରିବା ସହ ଆକ୍ରମଣ କରିଛନ୍ତି । ଭିଡ଼ିଓରେ ସ୍ପଷ୍ଟ ଭାବରେ ଦେଖାଯାଉଛି ଯେ ଦୁଇ ଜଣ ଯୁବକ ଆସିଫ୍ଙ୍କୁ ଠେଲାପେଲା କରିବା ସହ ତଳେ ପକାଇ ମାଡ ମାରୁଛନ୍ତି । କିଛି ଲୋକମାନେ ମଧ୍ୟ ହସ୍ତକ୍ଷେପ କରିବାକୁ ଚେଷ୍ଟା କରିଛନ୍ତି । ଏହି ସମୟରେ ଅଭିଯୁକ୍ତମାନଙ୍କ ମଧ୍ୟରୁ ଜଣେ ଆସିଫ୍ ଙ୍କୁ ତଳେ ପକାଇ ମାରୁଛନ୍ତି । ଘଟଣାସ୍ଥଳରେ ଜୋରେ ପାଟିତୁଣ୍ଡ ହେଉଥିବା ଜଣାପଡିଛି ।
ଗୁରୁବାର ବିଳମ୍ବିତ ରାତିରେ ଆସିଫ୍ ଘରକୁ ଫେରିବା ପରେ ଘର ସାମ୍ନାରେ ସ୍କୁଟି ଥିବାର ଦେଖି ପଡୋଶୀଙ୍କୁ ପଚାରିଥିଲେ । ହେଲେ ପଡୋଶୀ ଯୁବକ ଉତ୍ତ୍ୟକ୍ତ ହୋଇ ଆକ୍ରମଣ କରିଥିଳେ । ସୁଚିନ୍ତିତ ଭାବେ ଆସିଫ୍ଙ୍କୁ ହତ୍ୟା କରାଯାଇଥିବା ପରିବାର ସଦସ୍ୟ ଅଭିଯୋଗ କରିଛନ୍ତି ।
VIDEO | Actor Huma Qureshi’s cousin, Asif Qureshi, was stabbed to death following a dispute over parking in southeast Delhi’s Bhogal area on Thursday. Two teenagers have been apprehended in connection with the incident. CCTV visuals of the incident.#DelhiNews
(Viewers… pic.twitter.com/DJrXqd3vwX
— Press Trust of India (@PTI_News) August 8, 2025
