ଚୌଦ୍ୱାର : ୫୫ ନମ୍ବର ଜାତୀୟ ରାଜପଥର ଚୌଦ୍ୱାର ନିକଟ କଜଳଖଣା ନିକଟରେ ରବିବାର ବିଳମ୍ବିତ ରାତିରେ ଏକ ଟ୍ରକ୍ ଧକ୍କାରେ ଏକ କାର ଦୁର୍ଘଟଣାଗ୍ରସ୍ତ ହେବା ସହିତ ଭାଙ୍ଗିରୁଜି ଯାଇଥିବା ଜଣାପଡ଼ିଛି। କାରରେ ବସିଥିବା ଯାତ୍ରୀ ମାନଙ୍କର ସୌଭାଗ୍ୟବସତଃ କୌଣସି କ୍ଷତି ଘଟିନାହିଁ। ପ୍ରକାଶଯେ ଢ଼େଙ୍କାନାଳ ପଟୁ ଏକ ଟ୍ରକ୍ ଦ୍ରୁତ ଗତିରେ ଆସୁଥିବାବେଳେ କଜଳଖଣା ନିକଟରେ ଯାଉଥିବା ଏକ କାରକୁ ପଛରୁ ଧକ୍କା ଦେଇଥିଲା। ଫଳରେ କାରଟି ରାସ୍ତା ପାଖକୁ ମାଡ଼ି ଯାଇ ଅଟକି ଯାଇଥିଲା । ଖବର ପାଇ ଚୌଦ୍ୱାର ପୁଲିସ ଘଟଣାସ୍ଥଳରେ ପହଞ୍ଚି ଟ୍ରକ୍ ଚାଳକକୁ ଗିରଫ କରି ଥାନାକୁ ଆଣିଥିଲେ। ଗିରଫ ଚାଳକ ଜଣକ ହେଲେ ନରସିଂହପୁର ଶିଶୁ ପଥର ଗ୍ରାମର ନରେଶ ବାରିକ(୪୦)। ସେ ଅତ୍ୟଧିକ ନିଶାପାନ କରି ଗାଡ଼ି ଚଳାଉଥିବାରୁ ଏଭଳି ଦୁର୍ଘଟଣା ଘଟଲା ବୋଲି ପୁଲିସ ସୂଚନା ଦେଇଛି। ଅଭିଯୁକ୍ତକୁ ଅଦାଲତ ଚାଲାଣ କରାଯାଇଛି ।
Comments are closed.