ଆନନ୍ଦପୁର/ଘସିପୁରା : ବୁଧବାର ଅପରାହ୍ନରେ ଆନନ୍ଦପୁର ସୀମାନ୍ତ ୫୩ନଂ ରାଜ୍ୟ ରାଜପଥ ପିତୁରିଆ ଛକଠାରେ ଦୁଇ ପିକଅପ୍ ଭ୍ୟାନ ମୁହାମୁହଁ ଧକ୍କା ହେବା ପଂଳରେ ମହୁଲଡ଼ିହା ଅଞ୍ଚଳର ୪୦ରୁ ଊର୍ଦ୍ଧ୍ବ ମହିଳା ଓ ଯୁବତୀ ଗୁରୁତର ଆହତ ହୋଇଛନ୍ତି। ସେମାନଙ୍କ ମଧ୍ୟରୁ ୧୨ ଜଣଙ୍କ ଅବସ୍ଥା ଗୁରୁତର ଥିବାରୁ କଟକ ବଡ ଡ଼ାକ୍ତରଖାନାକୁ ସ୍ଥାନାନ୍ତର କରାଯାଇଛି। ସୂଚନା ଅନୁସାରେ ଆନନ୍ଦପୁରର ବିଭିନ୍ନ ଅଞ୍ଚଳରେ ବିଲବାଡ଼ିରେ ମଜୁରିଆ ଭାବେ କାମ କରିବାକୁ ଆସୁଥିବା ମହିଳା ମାନଙ୍କ ମଧ୍ୟରୁ ମହୁଲଡ଼ିହା ଅଞ୍ଚଳର ୪୦ରୁ ଊଦ୍ଧ୍ବ ଯୁବତୀ ଓ ମହିଳା ଆନନ୍ଦପୁରରେ କାମ ସାରିବା ପରେ ଗୋଟିଏ ପିକଅପ୍ ଭ୍ୟାନରେ ଘରକୁ ଫେରୁଥିବାବେଳେ ବିପରୀତ ଠାକୁରମୁଣ୍ଡା ଆଡୁ ଆନନ୍ଦପୁର ଆଡେ଼ ଆସୁଥିବା ପିକଅଫ୍ ଭ୍ୟାନ ସହିତ ମୁହାଁମୁହିଁ ଧକ୍କା ହୋଇଥିଲା। ଫଳରେ କାମ ସାରି ଘରକୁ ଫେରୁଥିବା ଏହି ମହିଳା ଓ ଯୁବତୀ ବୋଝେଇ ହୋଇଥିବା ପିକଅଫ୍ ଭ୍ୟାନଟି ରାସ୍ତା କଡ଼କୁ ଓଲଟି ପଡ଼ିଥିଲା।
Comments are closed.