ବୌଦ୍ଧ : ବୌଦ୍ଧ ଜିଲା ବାଉଁଶୁଣି ଥାନା ଅନ୍ତର୍ଗତ ୫୭ ନମ୍ବର ଜାତୀୟ ରାଜପଥ ସ୍ଥିତ ସିଙ୍ଗାରି ଢାବା ନିକଟରେ ଏକ ବଳଦ ସହ ପିଟି ଜଣେ ବାଇକ ଆରୋହୀ ଗୁରୁତର ହୋଇଛନ୍ତି। ବୁଧବାର ଅପରାହ୍ନରେ ବ୍ୟକ୍ତି ଜଣକ ବାଇକରେ ବୌଦ୍ଧକୁ ଆସୁଥିବା ସମୟରେ ହଠାତ ବଳଦ ସାମ୍ନାକୁ ଆସିଯାଇଥିଲା। ଫଳରେ ବାଇକ ଆରୋହୀ ଭାରସାମ୍ୟ ହରାଇ ପିଟି ହୋଇ ଗୁରୁତର ହୋଇଥିଲେ। ତାଙ୍କୁ ଚିକିତ୍ସା ପାଇଁ ବୌଦ୍ଧ ସଦର ଡ଼ାକ୍ତରଖାନାକୁ ପ୍ରଥମେ ନିଆଯାଇଥିଲା। ମାତ୍ର ତାଙ୍କ ଅବସ୍ଥା ଗୁରୁତର ହେବାରୁ ବୁର୍ଲା ମେଡ଼ିକାଲକୁ ସ୍ଥାନାନ୍ତର କରାଯାଇଥିବା ସୂଚନା ମିଳିଛି।
Comments are closed.