ଟିଏମସିରେ ମିଶିବେ ପ୍ରଣବ ମୁଖାର୍ଜୀଙ୍କ ପୁଅ ଅଭିଜିତ ମୁଖାର୍ଜୀ, ସୋମବାର ଏକ ସ୍ୱତନ୍ତ୍ର କାର୍ଯ୍ୟକ୍ରମରେ ଦଳରେ ହୋଇପାରନ୍ତି ସାମିଲ

କଲକତା: ପୂର୍ବତନ ରାଷ୍ଟ୍ରପତି ପ୍ରଣବ ମୁଖାର୍ଜୀଙ୍କ ପୁଅ ତଥା ପୂର୍ବତନ କଂଗ୍ରେସ ସାଂସଦ ଅଭିଜିତ ମୁଖାର୍ଜୀ ତୃଣମୂଳ କଂଗ୍ରେସରେ ମିଶିବେ। ସୋମବାର ସେ ଟିଏମସିରେ ମିଶିବେ ବୋଲି ଚର୍ଚ୍ଚା ହେଉଛି। ନିକଟରେ ସେ ଟିଏମସିର ଅଭିଷେକ ବାନାର୍ଜୀଙ୍କୁ ଭେଟି ଆଲୋଚନା କରିଥିଲେ । ପଶ୍ଚିମବଙ୍ଗର ଜାଙ୍ଗିପୁର ଲୋକସଭା ଆସନରୁ କଂଗ୍ରେସ ସାଂସଦ ଥିଲେ ଅଭିଜିତ ବାନାର୍ଜୀ ।

ଗତ କିଛିଦିନ ହେବ ଅନେକ ପ୍ରସଙ୍ଗକୁ ନେଇ ଅଭିଜିତ ଟ୍ୱିଟରରେ ମମତା ବାନାର୍ଜୀଙ୍କ ସପକ୍ଷରେ ସ୍ୱର ଉଠାଉଥିଲେ। ଏଥିରୁ ସେ ଟିଏମସି ପ୍ରତି ମନ ବଦଳାଇଥିବା ନେଇ ଚର୍ଚ୍ଚା ହେଉଥିଲା । ମିଥ୍ୟା ଟିକାକରଣ ନେଇ ଦିଦିଙ୍କୁ ସମାଲୋଚନା ଉପରେ ନିଜ ଟ୍ୱିଟରେ ସେ ପ୍ରଧାନମନ୍ତ୍ରୀ ମୋଦିଙ୍କୁ ମଧ୍ୟ ଟାର୍ଗେଟ କରିଥିଲେ ।

ବିଶେଷ ସୂତ୍ରରୁ ପ୍ରକାଶ ଯେ, ଚୁଡ଼ାନ୍ତ ନିଷ୍ପତ୍ତି ନିଆସରିଛି ଏବଂ ଆଜି କଲକତାରେ ଏକ ସ୍ୱତନ୍ତ୍ର କାର୍ୟ୍ୟକ୍ରମରେ ବହୁ ବରିଷ୍ଠ ନେତାଙ୍କ ଉପସ୍ଥିତିରେ ଅଭିଜିତ ମୁଖାର୍ଜୀ ଟିଏମସିରେ ଯୋଗ ଦେବାର ସମ୍ଭାବନା ରହିଛି।