ଆଲିଗଡ଼ : ରାଷ୍ଟ୍ରୀୟ ସ୍ୱଂୟ ସେବକ ସଂଘ (ଆରଏସ୍ଏସ୍) ନେତା ଇନ୍ଦ୍ରେଶ କୁମାର ପଞ୍ଜାବ ସରକାରର ମନ୍ତ୍ରୀ ନବଜୋତ ସିଂହ ସିଧୁ, ଅଭିନେତା ଅମୀର ଖାନ ଏବଂ ନାସିରୁଦ୍ଦିନ ଶାହାଙ୍କ ତୁଳନା ରାଜା ଜୟଚନ୍ଦ୍ର ଏବଂ ମୀର ଜାଫର ସହ କରିବା ପୂର୍ବକ ସେମାନଙ୍କୁ ବିଶ୍ୱାସ ଘାତକ ବୋଲି କହିଛନ୍ତି।
ଆଲିଗଡ଼ର ଏକ କାର୍ଯ୍ୟକ୍ରମରେ ଇନ୍ଦ୍ରେଶ କୁମାର କହିଥିଲେ ଯେ ସିଧୁ, ଅମୀର ଏବଂ ନାସିରୁଦ୍ଦିନ ଭଲ ଅଭିନେତା ହୋଇପାରନ୍ତି, ହେଲେ ସେମାନେ ଦେଶଦ୍ରୋହୀ। ତେଣୁ ସେମାନେ ସମ୍ମାନ ପାଇବାର ଯୋଗ୍ୟ ନୁହନ୍ତି। ଏମାନେ ମୀର ଜାଫର ଏବଂ ଜୟଚନ୍ଦ୍ର ଭଳି ବିଶ୍ୱାସ ଘାତକ ଅଟନ୍ତି। ଭାରତକୁ ଅଜମଲ କସାବ ଭଳି ମୁସଲମାନ ଯୁବକଙ୍କ ଆବଶ୍ୟକ ନାହିଁ। ଭାରତକୁ ପୂର୍ବତନ ରାଷ୍ଟ୍ରପତି ଏପିଜେ ଅବଦୁଲ କଲାମ ଭଳି ଲୋକଙ୍କ ଆବଶ୍ୟକତା ରହିଛି। ଦେଶକୁ କସାବ, ୟାକୁବ ଏବଂ ଇଶରତଙ୍କ ଭଳି ମୁସଲମାନଙ୍କ ଦେଖାଇବା ରାସ୍ତାରେ ନୁହଁ ବରଂ କଲାମଙ୍କ ଦେଖାଇବା ରାସ୍ତାରେ ଚାଲୁଥିବା ମୁସଲମାନଙ୍କ ଆବଶ୍ୟକତା ରହିଛି। ସେହିପରି ଅଯୋଧ୍ୟା ରାମ ଜନ୍ମଭୂମି ମାମଲାର ଶୁଣାଣିରେ ବିଳମ୍ବ ପାଇଁ ସେ କଂଗ୍ରେସ, ବାମପନ୍ଥୀ ଏବଂ ଆଞ୍ଚଳିକ ସାମ୍ପ୍ରଦାୟିକ ଶକ୍ତିଙ୍କ ସହ କେତେକ ବିଚାରପତୀଙ୍କୁ ଦାୟୀ କରିଛନ୍ତି।
