ଗୋପାଳପୁର: ଡେଥ୍ ଜୋନ ଭାବେ ପରିଚିତ ହଳଦିଆପଦର-ଗୋଳନ୍ଥରା ଜାତୀୟ ରାଜପଥ ନଂ-୧୬ରେ ଆଜି ସଂଧ୍ୟାରେ ଏକ ସ୍କୁଟି ରାସ୍ତା କଡ଼ ଡିଭାଇଡର ରେ ପିଟି ହେବାରୁ ସ୍କୁଟିରେ ଯାଉଥିବା ଦୁଇ ଭଉଣୀଙ୍କ ମଧ୍ୟରୁ ଜଣଙ୍କ ଘଟଣା ସ୍ଥଳରେ ମୃତ୍ୟୁ ଘଟିଥିବା ବେଳେ ଅନ୍ୟ ଜଣେ ଗୁରୁତର ହୋଇ ବ୍ରହ୍ମପୁର ବଡ ମେଡିକାଲରେ ଭର୍ତ୍ତୀ ହୋଇଥିବା ଜଣାପଡିଛି।ଆଜି ସଂଧ୍ୟାରେ ନୟାଗଡ ଜିଲ୍ଲା ଘଡୁଆଳ ଗ୍ରାମର ଦୁଇ ଭଉଣୀ ବ୍ରହ୍ମପୁର ରେ ଭଡା ଘରେ ରହୁଥିଲେ।ଏମାନଙ୍କ ମଧ୍ୟରୁ ଚନ୍ଦ୍ରମା ବେହେରା ଗୋଳନ୍ଥରା ସ୍ଥିତ ବିଶ୍ବନାଥ ଉଚ୍ଚ ଓ ବୌଷୟିକ ବିଦ୍ୟାଳୟ ରେ ଶିକ୍ଷକତା କରୁଥିବା ବେଳେ ଅନ୍ୟ ଜଣେ ଭଉଣୀ ସୁଷମା ବେହେରା ଛତ୍ରପୁର କୋର୍ଟ ରେ କ୍ଲର୍କ ଭାବେ କାର୍ୟ୍ୟ କରୁଛନ୍ତି।ଆଜି ଏହି ଦୁଇ ଭଉଣୀ ନିଜର ସ୍କୁଟି (ଓଡି ୦୭ଟି ୩୭୮୪) ଯୋଗେ ଗୋଳନ୍ଥରା ରୁ ବ୍ରହ୍ମପୁର ଫେରୁ ଥିବା ସମୟରେ ଭାରସାମ୍ୟ ହରାଇ କନିଷି ନିକଟବର୍ତ୍ତୀ ରସ ଫ୍ୟାକ୍ଟ୍ରୀ ସମ୍ମୁଖରେ ଡିଭାଇଡର ରେ ଧକ୍କା ହେବାରୁ ଚନ୍ଦ୍ରମା ଗାଡ଼ିରୁ ଛିଟିକି ରାସ୍ତାର ଡିଭାଇଡର ରେ ପିଟି ହୋଇଯାଇଥିଲେ,ଏହାଦ୍ବାରା ଚନ୍ଦ୍ରମା ଙ୍କ ମୁଣ୍ଡରେ ଗଭୀର ଆଘାତ ଲାଗବା ସହ ଅତ୍ୟଧିକ ରକ୍ତ ସ୍ରାବ ଯୋଗୁଁ ଘଟଣା ସ୍ଥଳରେ ହିଁ ମୃତ୍ୟୁ ଘଟିଥିଲା।କିନ୍ତୁ ଅନ୍ୟ ଜଣେ ଭଉଣୀ ସୁଷମା ଗୁରୁତର ଅବସ୍ଥାରେ ରାସ୍ତାରେ ପଡିରହିଥିଲେ,ଘଟଣା ସମ୍ପର୍କରେ ସ୍ଥାନୀୟ ଲୋକମାନେ ଗୋଳନ୍ଥରା ଥାନା କୁ ଜଣାଇଥିଲେ ମଧ୍ୟ ପୁଲିସ ପହଞ୍ଚି ବାରେ ବିଳମ୍ବ ହେବାରୁ ସେହି ରାସ୍ତାଦେଇ ଯାଉଥିବା ଏକ ପରିବାର ନିଜ କାରରେ ସୁଷମା ଙ୍କୁ ଠିକ ସମୟରେ ମେଡିକାଲରେ ପହଞ୍ଚାଇବାରୁ ସୁଷମା ଠିକ ଥିବା ଜଣାଯାଉଛି।
Popular Categories
Previous article
Next article