କାଲିମେଳା : ମାଲକାନଗିରି ଜିଲାରେ ବୁଧବାର ବିଳମ୍ବିତ ରାତିଠାରୁ ଲଗାଣ ବର୍ଷା ଲାଗି ରହିଥିବା ଯୋଗୁଁ ବନ୍ୟା ପରିସ୍ଥିତି ସୃଷ୍ଟି ହୋଇଛି। କାଲିମେଳା ବ୍ଲକ ଅନ୍ତର୍ଗତ କାଙ୍ଗୁରୁକୋଣ୍ଡା ପୋଲ ଉପରେ ବନ୍ୟା ଜଳ ପ୍ରବାହିତ ହେଉଥିବା ଦେଖିବାକୁ ମିଳିଛି। ପୋଲ ଉପରେ ୩ ରୁ ୪ ଫୁଟ ଉଚ୍ଚରେ ପାଣି ପ୍ରବାହିତ ହେବା ଯୋଗୁଁ ମାଲକାନଗିରି ସଦର ରୁ କାଲିମେଳା ମୋଟୁ ଏବଂ ପଡ଼ିଆ ଅଞ୍ଚଳକୁ ଯାତାୟତ ଠପ୍ ହୋଇଯାଇଛି। ସେହିଭଳି କନ୍ୟାଶ୍ରମ ପୋଲ ଉପରେ ମଧ୍ୟ ପାଣି ପ୍ରବାହିତ ହେଉଥିବାରୁ କାଲିମେଳା ପଡ଼ିଆ ମଧ୍ୟରେ ଯୋଗାଯୋଗ ବିଚ୍ଛିନ୍ନ ହୋଇଯାଇଛି। ଏହି ଅଞ୍ଚଳ ମାନଙ୍କୁ ଗାଡ଼ିମଟର ଚଳାଚଳ ବନ୍ଦ ରହିଛି। ପୋଲର ଉଭୟ ପାଶ୍ୱର୍ରେ ଲୋକେ ଅଟକି ରହିଥିବା ଜଣାପଡ଼ିଛି।
ଏହାସହ ପୋଟେରୁ ପୋଲ ତଳେ ବନ୍ୟା ପାଣି ପ୍ରବାହିତ ହେଉଥିବା ବେଳେ କିଛି ସମୟ ମଧ୍ୟରେ ଏହା ପୋଲ ଉପରେ ପ୍ରବାହିତ ହେବାର ସମ୍ଭାବନା ଥିବାରୁ ବ୍ଲକ ପ୍ରଶାସନ ପୁଲିସ ପକ୍ଷରୁ ସତର୍କତା ଅବଲମ୍ବନ କରିଥିବା ସୂଚନା ମିଳିଛି।
ଲଗାଣ ବର୍ଷା ପାଇଁ ମାଲକାନଗିରିରେ ବନ୍ୟା ପରିସ୍ଥିତି ସୃଷ୍ଟି ; ବିଭିନ୍ନ ସ୍ଥାନକୁ ଯୋଗାଯୋଗ ବିଚ୍ଛିନ୍ନ
Popular Categories
Previous article
Next article