ନୂଆଦିଲ୍ଲୀ : ସାମ୍ପ୍ରତିକ ବନ୍ୟାରେ ବିଶେଷ ଭାବେ କ୍ଷତିଗ୍ରସ୍ତ ହୋଇଥିବା ମହାରାଷ୍ଟ୍ର, କର୍ଣ୍ଣାଟକ ଏବଂ କେରଳର ବନ୍ୟା ପ୍ଳାବିତ ଅଞ୍ଚଳଗୁଡିକକୁ ରିଲିଫ୍ ସାମଗ୍ରୀ ପରିବହନ ପାଇଁ ରେଳ ବିଭାଗ କୌଣସି ଭଡା ନେବ ନାହିଁ । ଏ ସମ୍ପର୍କିତ ନିଷ୍ପତ୍ତି ରେଳ ମନ୍ତ୍ରାଳୟ ପକ୍ଷରୁ ନିଆଯାଇଛି । ପ୍ରାପ୍ତ ସୂଚନା ମୁତାବକ ସମସ୍ତ ଡିପୋ ସାଧାରଣ ପରିଚାଳକ ମାନଙ୍କୁ ଏ ସମ୍ପର୍କିତ ନିର୍ଦେଶନାମା ଜାରି କରାଯାଇଥିବା ଜଣାପଡିଛି । ରାଜ୍ୟ ଭିତରେ ଓ ଗୋଟିଏ ରାଜ୍ୟରୁ ଅନ୍ୟ ରାଜ୍ୟକୁ ରିଲିଫ୍ ସାମଗ୍ରୀ ପରିବହନ ତଥା ଅନ୍ୟାନ୍ୟ ସାମଗ୍ରୀ ନେବା ଆଣିବା କ୍ଷେତ୍ରରେ କୌଣସି ଦେୟ ପଡିବ ନାହିଁ । ସରକାରୀ ସଙ୍ଗଠନ ବ୍ୟତୀତ ବେସରକାରୀ ସଙ୍ଗଠନ ଗୁଡିକ ବନ୍ୟା ପ୍ରଭାବିତ ରାଜ୍ୟ ଗୁଡିକୁ ବିନା ମୂଲ୍ୟରେ ରିଲିଫ୍ ସାମଗ୍ରୀ ପଠାଇ ପାରିବେ । ଏହି ବ୍ୟବସ୍ଥା ଅଗଷ୍ଟ ୩୧ ତାରିଖ ପର୍ଯ୍ୟନ୍ତ ବଳବତ୍ତର ରହିବ । ରେଳ ମନ୍ତ୍ରୀ ପିୟୁଷ ଗୋୟଲ ସମସ୍ତ ସଙ୍ଗଠନ ଏବଂ ଲୋକମାନଙ୍କୁ ଅଧିକରୁ ଅଧିକ ରିଲିଫ୍ ସାମଗ୍ରୀ ପଠାଇବାକୁ ଅନୁରୋଧ କରି ଟ୍ବୁଟ୍ କରିଛନ୍ତି ।
Popular Categories
Previous article
Next article