ଦାର୍ ଏସ୍ ସଲାମ୍ : ତାଞ୍ଜାନିଆରେ ଏକ ତୈଳ ଟ୍ୟାଙ୍କର ବିସ୍ଫୋରଣର ୬୨ ଜଣଙ୍କର ମୃତ୍ୟୁ ଘଟିଥିବା ବେଳେ ୭୦ ଜଣ ଆହତ ହୋଇଛନ୍ତି। ତାଞ୍ଜାନିଆର ଆର୍ଥିକ ରାଜଧାନୀ ଦାର୍ ଏସ୍ ସଲାମ୍ର ପଶ୍ଚିମ ଭାଗରେ ଥିବା ମୋରୋ ଗୋରୋ ସହରର ଏକ ରାସ୍ତାରେ ଗୋଟିଏ ତୈଳବାହୀ ଟ୍ୟାଙ୍କର୍ ଓଲଟି ପଡ଼ିବା ଫଳରେ ବଡ଼ ଧରଣର ବିସ୍ଫୋରଣ ଘଟିଛି। ଫଳରେ ୬୨ ଜଣ ଲୋକଙ୍କର ମୃତ୍ୟୁ ଘଟିଛିଓ ୭୦ ଜଣ ଆହତ ହୋଇଛନ୍ତି । ମୃତକମାନଙ୍କ ମଧ୍ୟରେ ଅଧିକାଂଶ ଲୋକ ହେଉଛନ୍ତି ଦୁର୍ଘଟଣାଗ୍ରସ୍ତ ଟ୍ୟାଙ୍କର୍ରୁ ତେଲ ସଂଗ୍ରହ ପାଇଁ ଘଟଣାସ୍ଥଳରେ ପହଞ୍ଚିଥିବା ସ୍ଥାନୀୟ ବାସିନ୍ଦା ଓ ରାସ୍ତାରେ ଗାଡି ଚଳାଉଥିବା ଟ୍ୟାକ୍ସି ଡ୍ରାଇଭର।
ଆହତ ମାନଙ୍କୁ ସ୍ଥାନୀୟ ଡାକ୍ତରଖାନାରେ ଭର୍ତ୍ତି କରାଯାଇଛି । ତେବେ ବିସ୍ଫୋରଣର ଭୟାବହତା ଯୋଗୁଁ ମୃତାହତଙ୍କ ସଂଖ୍ୟା ବୃଦ୍ଧି ପାଇବାର ସମ୍ଭାବନା ରହିଛି।
