ମୁମ୍ବଇ : ଦେଶଭକ୍ତି ଉପରେ ଆଧାରିତ ଚଳଚ୍ଚିତ୍ର ପାଇଁ ବଲିଉଡ଼ରେ ସୁପରିଚିତ ଅଭିନେତା ଅକ୍ଷୟ କୁମାର ଖୁବ୍ଶୀଘ୍ର ପରଦାରେ ଜାତୀୟ ସୁରକ୍ଷା ପରାମର୍ଶଦାତା ଅଜିତ୍ ଡୋଭାଲଙ୍କ ଭୂମିକାରେ ନଜର ଆସିବେ। ନିର୍ଦେଶକ ନୀରଜ ପାଣ୍ଡେଙ୍କ ଆଗାମୀ ଚଳଚ୍ଚିତ୍ର ଅଜିତଙ୍କ ଜୀବନ କାହାଣୀ ଉପରେ ଆଧାରିତ। ଏହି ଚଳଚ୍ଚିତ୍ରର ମୁଖ୍ୟ ଭୂମିକାରେ ଅଭିନୟ କରିବା ପାଇଁ ଅକ୍ଷୟଙ୍କୁ ପ୍ରସ୍ତାବ ଦିଆଯାଇଛି ଏବଂ ସେ ଏଥିରେ ସହମତି ପ୍ରକାଶ କରିଥିବା ସୂଚନା ମିଳିଛି। ଏହା ପୂର୍ବରୁ ମଧ୍ୟ ଅକ୍ଷୟ ନୀରଜଙ୍କ ସହ କାମ କରି ସାରିଛନ୍ତି। ଏବେ ତୃତୀୟ ଥର ପାଇଁ ଏହି ଯୋଡ଼ି ଏକାଠି ହେବାକୁ ଯାଉଛନ୍ତି। ଚଳଚ୍ଚିତ୍ରର କାହାଣୀକୁ ନେଇ କାମ ଆରମ୍ଭ ହୋଇଯାଇଛି। ତେବେ ଏହାର ଶୁଟିଂ ଆରମ୍ଭ ପାଇଁ ଆହୁରି କିଛି ଦିନ ବାକି ଅଛି। ତେଣୁ ଉଭୟ ଅକ୍ଷୟ ଓ ନୀରଜ ନିଜ ନିଜର ବର୍ତ୍ତମାନର ପ୍ରୋଜେକ୍ଟରେ ବ୍ୟସ୍ତ ଅଛନ୍ତି।
Comments are closed.