ନୀଳଗିରି: ନୀଳଗିରି ଥାନା ଅଧୀନସ୍ଥ ଜଡ଼ିବାଲି ଗାଁ’ରେ ଛାତରୁ ଖସି ପଡ଼ି ଜଣେ ଶ୍ରମିକଙ୍କର ମୃତ୍ୟୁ ହୋଇଥିବା ସୂଚନା ମିଳିଛି। ମୃତ ଶ୍ରମିକଙ୍କ ନାଁ ବିଜୟ ଖଟୁଆ(୩୫)।
ସୂଚନା ଅନୁସାରେ, ବିଜୟ କାମରୁ ଫେରି ଥକ୍କା ଲାଗିବାରୁ ଛାତ ଉପରେ ନିଜ ସାନ ଝିଅ ସହ ଶୋଇଥିଲେ। ମଙ୍ଗଳବାର ରାତି ପ୍ରାୟ ସାଢ଼େ ୧୨ଟା ସମୟରେ ଅସାବଧାନତା ଯୋଗୁଁ ସେ ଛାତ ତଳକୁ ଖସି ପଡ଼ିଥିଲେ। ପରିବାର ଲୋକ ତାଙ୍କୁ ନୀଳଗିରି ମେଡିକାଲକୁ ଆଣିଥିଲେ ହେଁ ଡାକ୍ତର ସେଠାରେ ତାଙ୍କୁ ମୃତ ଘୋଷଣା କରିଛନ୍ତି। ଏ ନେଇ ଅଞ୍ଚଳରେ ଶୋକାକୁଳ ପରିବେଶ ସୃଷ୍ଟି ହୋଇଛି। ମୃତକ ପରିବାରକୁ ତୁରନ୍ତ ସରକାରୀ ସହାୟତା ଯୋଗାଇ ଦେବାକୁ ଦାବି ହେଉଛି।
Comments are closed.