ଭୋପାଳ : କଂଗ୍ରେସ ଶାସିତ ମଧ୍ୟପ୍ରଦେଶ ବିଧାନସଭାରେ ମଙ୍ଗଳବାର ରାଜ୍ୟର ଅନ୍ୟ ପଛୁଆ ବର୍ଗ (ଓବିସି)କୁ ୨୭% ସଂରକ୍ଷଣ ପ୍ରଦାନ କରୁଥିବା ବିଲ୍ ସର୍ବସମ୍ମତି କ୍ରମେ ପାରିତ ହୋଇଛି। ଏହି ବିଲ୍ ଅନୁସାରେ ଓବିସିଙ୍କୁ ରାଜ୍ୟରେ ସରକାରୀ ଚାକିରି ଏବଂ ଶିକ୍ଷା କ୍ଷେତ୍ରରେ ୨୭% ସଂରକ୍ଷଣ ପ୍ରଦାନ କରାଯିବ। ବର୍ତ୍ତମାନ ମଧ୍ୟପ୍ରଦେଶରେ ଓବିସିଙ୍କ ପାଇଁ ୧୪% ସଂରକ୍ଷଣ ବ୍ୟବସ୍ଥା ରହିଛି।
ମଧ୍ୟପ୍ରଦେଶର କମଲନାଥ ସରକାର ସଂରକ୍ଷିଣ ବିଲରେ ସଂଶୋଧନ କରିବା ପରେ ଚଳିତ ବର୍ଷ ମାର୍ଚ୍ଚ ମାସରେ ଏକ ଅଧ୍ୟାଦେଶ ଜାରି କରିଥିଲେ। ଜୁନ ୪ରେ ମଧ୍ୟପ୍ରଦେଶ କ୍ୟାବିନେଟ ଓବିସିଙ୍କ ପାଇଁ ୨୭% ସଂରକ୍ଷଣ ପ୍ରସ୍ତାବକୁ ଅନୁମୋଦନ ପ୍ରଦାନ କରିଥିଲା। ପ୍ରକାଶଯୋଗ୍ୟ ଯେ ରାଜ୍ୟ ସରକାର ମାର୍ଚ୍ଚ ୮ରେ ଓବିସି ସଂରକ୍ଷଣ ୧୪%ରୁ ୨୭%କୁ ବୃଦ୍ଧି କରିବା ପାଇଁ ନିଷ୍ପତ୍ତି ନେଇଥିଲେ। ଏଥିପାଇଁ ଏକ ଅଧ୍ୟାଦେଶ ଜାରି କରିଥିଲେ। ମାତ୍ର ୧୦ ଦିନ ପରେ ନିଷ୍ପତ୍ତି ବିରୋଧରେ ମଧ୍ୟପ୍ରଦେଶ ହାଇକୋର୍ଟରେ ଆବେଦନ ହୋଇଥିଲା ଓ କୋର୍ଟ ଏହା ଉପରେ ସ୍ଥଗିତାଦେଶ ଲଗାଇଥିଲେ। ମଧ୍ୟପ୍ରଦେଶରେ ଓବିସିକୁ ଛାଡ଼ି ଅନୁସୂଚିତ ଜାତି (ଏସସି)ଙ୍କୁ ୧୬%, ଅନୁସୂଚିତ ଜନଜାତି (ଏସଟି)ଙ୍କୁ ୨୦% ସଂରକ୍ଷଣ ପ୍ରଦାନ କରାଯାଉଛି। ଓବିସିଙ୍କୁ ୨୭% ସଂରକ୍ଷଣ ପ୍ରଦାନର ଆଇନ ଲାଗୁ ହେଲେ ରାଜ୍ୟ ସରକାରଙ୍କୁ ନିଜ ପ୍ରତି ବିଭାଗରେ ନିଯୁକ୍ତି ନିୟମରେ ପରିବର୍ତ୍ତନ କରିବାକୁ ପଡ଼ିବ। ଏହି କ୍ରମରେ ମଧ୍ୟପ୍ରଦେଶରେ ସଂରକ୍ଷଣ ୫୦%ରୁ ୬୩%କୁ ବୃଦ୍ଧି ପାଇଛି।
ମଧ୍ୟପ୍ରଦେଶରେ ଓବିସି ସଂରକ୍ଷଣ ୧୪%ରୁ ୨୭%କୁ ବଢିଲା, ବିଧାନସଭାରେ ବିଲ୍ ପାରିତ
Popular Categories
Previous article
Next article