ମୁମ୍ବଇ : ଟିକଟକ୍ ଆପରେ ସାମ୍ପ୍ରଦାୟିକ ହିଂସା ସୃଷ୍ଟିକାରୀ ଭିଡିଓ ଅପଲୋଡ଼ କରିବା ଅଭିଯୋଗରେ ବିବାଦୀୟ ଅଭିନେତା ଏଜାଜ ଖାନଙ୍କୁ ଗୁରୁବାର ମହାରାଷ୍ଟ୍ର ସାଇବର ପୁଲିସ୍ ଗିରଫ କରିଛି।
ପୁଲିସ୍ ସୂତ୍ରରୁ ମିଳିଥିବା ସୂଚନା ଅନୁସାରେ କିଛି ଦିନ ତଳେ ଏଜାଜ ଟିକଟକରେ ସାମ୍ପ୍ରଦାୟିକ ହିଂସା ସୃଷ୍ଟିକାରୀ ୨ଟି ଭିଡିଓ ଅପଲୋଡ଼ କରିଥିଲେ। ଏହାକୁ ନେଇ ଶିବସେନାର ଜଣେ କର୍ମକର୍ତ୍ତା ପୁଲିସରେ ଲିଖିତ ଅଭିଯୋଗ କରିଥିଲେ। ଝାଡ଼ଖଣ୍ଡରେ କେତେକ ଲୋକ ତାବ୍ରେଜ ଅନ୍ସାରୀ ନାମକ ଜଣେ ମୁସଲମାନ ଯୁବକଙ୍କୁ ହତ୍ୟା କରିବା ଘଟଣାକୁ ନେଇ ଏଜାଜ ଏହି ଭିଡିଓ ପ୍ରସ୍ତୁତ କରିଥିଲେ। ଗୋଟିଏ ଭିଡିଓରେ ସେ ପୁଲିସକୁ ସମାଲୋଚନା କରୁଥିବାର ଦେଖିବାକୁ ମିଳିଥିଲା। ସାଇବର ପୁଲିସ୍ ଭିଓଡକୁ ଯାଞ୍ଚ କରିବା ପରେ ବୁଧବାର ମାମଲା ରୁଜୁ କରିଥିଲା। ଗୁରୁବାର ଏଜାଜକୁ ଗିରଫ କରାଯାଇଛି। ଏହା ପୂର୍ବରୁ ମଧ୍ୟ ସେ ମାରପିଟ ଏବଂ ଡ୍ରଗ୍ସ ରଖିବା ମାମଲାରେ ଗିରଫ ହୋଇ ଜାମିନରେ ଆସିଥିଲେ। ନିଜର କଥାବାର୍ତ୍ତ ଓ ଚାଲିଚଳନକୁ ନେଇ ଏଜାଜ ବିବାଦୀୟ ହୋଇପଡିଛନ୍ତି।
Comments are closed.