ଅପରାଧୀର ଜେଲରୁ ମୁକୁଳିବା ଖୁସିରେ ଚାଲିଥିଲା ପାର୍ଟି , ପୁଲିସର ଚଢଉ୧୫ ଗିରଫ, ବିପୁଳ ଅସ୍ତ୍ରଶସ୍ତ୍ର ଜବତ
ନୂଆଦିଲ୍ଲୀ . – ଜଣେ ଅପରାଧୀ ଜେଲ୍ରୁ ମୁକ୍ତ ହେଲାପରେ ତାହାର ସାଙ୍ଗସାଥୀମାନେ ଖୁସିରେ ପାର୍ଟି କରୁଥିଲେ । ଏତିକି ବେଳେ ପୁଣି ପୁଲିସ ଚଢଉ କରି ୧୫ ଜଣଙ୍କୁ ଗିରଫ କରିବା ସହ ବିପୁଳ ପରିମାଣରେ ଅସ୍ତ୍ରଶସ୍ତ୍ର ଜବତ କରିଛି । ଏକ ଦୁର୍ଦାନ୍ତ ଅପରାଧୀ ରପିଲ୍ ସାଂଗବାନ ଜେଲ୍ରୁ ପାରୋଲ୍ରେ ଆସୁଥିବାରୁ ତାହାର ଅପରାଧୀ ସାଙ୍ଗମାନେ ଏକ ଫାର୍ମ ହାଉସ୍ରେ ପାର୍ଟିର ଆୟୋଜନ କରିଥିଲେ ।
ପୁଲିସର ଅପରାଧ ଶାଖାକୁ ଏ ବିଷୟରେ ସୂଚନା ମିଳିଥିଲା । ସେଠାରେ ବିପୁଳ ପରିମାଣରେ ଅସ୍ତ୍ରଶସ୍ତ୍ର ରଖାଯାଇଥିବା ପୁଲିସ ସୂଚନା ପାଇଥିଲା । ପରେ ଏକ ଟିମ୍ ସେହି ଫାର୍ମ ହାଉସ୍ରେ ଚଢଉ କରିଥିଲେ । ଏଠାରେ ୪୦ରୁ ୫୦ ଜଣ ଉପସ୍ଥିତ ଥିଲେ । ଏଥିରେ କିଛି ମହିଳା ବି ଥିଲେ । ଫାର୍ମ ହାଉସ୍ରୁ ୯ଟି ବନ୍ଧୁକ ସହ ୬୫ଟି ଜୀବନ୍ତ ଗୁଳି ଜବତ କରାଯାଇଛି ।
ଏମାନଙ୍କୁ ପଚରା ଉଚରା କରାଯିବାରୁ ଅପରାଧି କପିଲ୍ ଜେଲ୍ରୁ ମୁକୁଳିଥିବାରୁ ପାର୍ଟି କରୁଥିଲେ ବୋଲି ସୂଚନା ଦେଇଛନ୍ତି । ମାତ୍ର ଅପରାଧି ଏହି ସ୍ଥାନକୁ ଆସିବାର ଥିଲା । ଚଢଉ ପରେ ସେ ସେଠାରୁ ଆସି ନଥିଲା । ପୁଲିସ ଏହି ଘଟଣାର ଯାଞ୍ଚ କରୁଛି । ଏତେ ପରିମାଣର ବନ୍ଧୁକ ପାର୍ଟିକୁ କାହିଁକି ଅଣାଯାଇଥିଲା ପୁଲିସ ତାହାର ଯାଞ୍ଚ କରୁଛି ।
Comments are closed.