ଜୟପୁର: ଜୟପୁର ସଦର ପୁଲିସ, ବୈପାରିଗୁଡା ପୋଲିସ ଓ ବୋରିଗୁମ୍ମା ପୋଲିସ ଅଲଗା ଅଲଗା ୩ଟି ସ୍ଥାନରେ ଚଢ଼ଉ କରି୧୭୦ କିଲୋଗ୍ରାମ ଗଞ୍ଜେଇ ଜବତ କରିଛି। ଘଟଣାସ୍ଥଳରୁ ୨ଟି କାର୍ ଓ ଗୋଟିଏ ବାଇକ୍ ମଧ୍ୟ ଜବତ ହୋଇଛି। ଏହି ଘଟଣାରେ ପୁଲିସ ଉତ୍ତର ପ୍ରଦେଶର ୭ ଜଣଙ୍କୁ ଗିରଫ କରିଛି। ଏସଡିପିଓ ସାଗରିକା ନାଥ କହିଛନ୍ତି, ଉତ୍ତର ପ୍ରଦେଶ ଗଞ୍ଜେଇ ଚାଲାଣ କରାଯାଉଥିବା ବେଳେ ପୁଲିସ ଚଢ଼ଉ କରିଥିଲା।
ମାଲକାନଗିରିରୁ ଏକ କାରରେ ଗଞ୍ଜେଇ ଚାଲାଣ ଖବର ପାଇ ଜୟପୁର ସଦର ପୁଲିସ ପଣସପୁଟ ବାଗ୍ରାଠାରେ ଚଢ଼ଉ କରି କାର୍ ସହ ୭୨ କେ.ଜି. ଗଞ୍ଜେଇ ଜବତ କରିଛି। ଏହି ମାମଲାରେ ପୋଲିସ ବିରେନ୍ଦ୍ର ଯାଦବ, ଗଣେଶ ସିଂ ଓ ସୁନିଲ କୁମାର ବେଶରୀଙ୍କୁ ଗିରଫ କରିଛି। ସେହିପରି ବୋରିଗୁମ୍ମା ପୋଲିସ ଜାତୀୟ ରାଜପଥ ନଂ ୨୬ର ଆଦର୍ଶ ବିଦ୍ୟାଳୟ ନିକଟରେ ନମ୍ବର ବିହିନ ବାଇକରେ ଗଞ୍ଜେଇ ଚାଲାଣ ହେଉଥିବା ବେଳେ ଚଢ଼ଉ କରି ମନୋଜ କୁମାର ସିଶୋଦିଆ ଓ ଆକବର ଖାନଙ୍କୁ ଗିରଫ କରିଛି। ସେମାନଙ୍କ ନିକଟରୁ ୪୦ କେ.ଜି. ଗଞ୍ଜେଇ ସହ ବାଇକ୍ ଜବତ ହୋଇଛି।
Comments are closed.