ୱାଶିଂଟନ : ଆମେରିକା ଓ ଇରାନରେ ବୃଦ୍ଧି ପାଉଥିବା ଉତ୍ତେଜନା ମଧ୍ୟରେ ରବିବାର ସାଉଦି ଆରବର ବଡ଼ କ୍ଷତି ଘଟିଛି। କୁହାଯାଉଛି ଯେ ସଂଯୁକ୍ତ ଆରବ ଇମିରେଟ୍ସର ସମୁଦ୍ର ତଟବର୍ତ୍ତୀ ଫୁଜାଇରାରେ ସାଉଦି ଆରବର ୨ଟି ତେଲ ଟ୍ୟାଙ୍କର ଜାହାଜ ଉପରେ ଆକ୍ରମଣ ହୋଇଛି। ତେବେ ଏହି ଆକ୍ରମଣ ପାଇଁ କି’ଏ ଦାୟୀ ତାହା ଜଣାପଡିନାହିଁ।
ସାଉଦି ଆରବର ଶକ୍ତି ମନ୍ତ୍ରୀ ଖାଲିଦ ଉଲ ଫଲିହ କହିଛନ୍ତି ଯେ ରକେଟ୍ ମାଡ଼ ଯୋଗୁଁ ତାଙ୍କ ଦୁଇଟି ତେଲ ଜାହାଜ ବହୁଳ ମାତ୍ରାରେ କ୍ଷତିଗ୍ରସ୍ତ ହୋଇଛି। ତେଲ ଟ୍ୟାଙ୍କର ଭର୍ତ୍ତି ଦୁଇ ଜାହାଜ ଆରବ ସାଗରକୁ ଅତିକ୍ରମ କରୁଥିବାବେଳେ ଏହି ଆକ୍ରମଣ ଘଟିଥିଲା। ଆକ୍ରମଣ ପଛରେ ଆମେରିକା ହାତ ଥିବା ସନ୍ଦେହ କରାଯାଉଛି। ଇରାନ ଏହି ଘଟଣାର ତଦନ୍ତ ନିର୍ଦେଶ ଦେଇଛି।
ଇରାନ ସହ ଉତ୍ତେଜନା ଚରମସୀମାରେ ପହଞ୍ଚିବା ପରେ ଆମେରିକା ଆରବ ସାଗରରେ ଏକ ବୁଡ଼ାଜାହାଜ, ବି-୨ ବୋମାବର୍ଷଣକାରୀ ବିମାନ, ପୋଟ୍ରିୟଟ ମିଶାଇଲ ଡିଫେନ୍ସ ସିଷ୍ଟମ ମୁତୟନ କରିଛି। ୨୦୧୫ରେ ଆମେରିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ ଇରାନ ସହ ପରମାଣୁ ରାଜିନାମାକୁ ରଦ୍ଦ କରିଦେଇଥିଲେ। ସେବେଠାରୁ ଦୁଇ ଦେଶର ସମ୍ପର୍କରେ ତିକ୍ତତା ଲାଗି ରହିଛି। ଆମେରିକା ଇରାନ ଉପରେ ଅନେକ ପ୍ରତିବନ୍ଧକ ଲାଗୁ କରିଛି।
ସାଉଦି ଆରବର ଦୁଇ ତେଲ ବୋଝେଇ ଜାହାଜ ଉପରେ ଆକ୍ରମଣ
Popular Categories
Previous article
Next article