ଜୟପୁର: ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଅଳ୍ପ କିଛି ଶିଳ୍ପପତିଙ୍କୁ ଲାଭବାନ୍ କରାଇବା ପାଇଁ ସରକାର ଚଳାଉଛନ୍ତି। ଗତ ୫ବର୍ଷ ଭିତରେ ମୋଦୀ ଯେଉଁସବୁ ପଦକ୍ଷେପ ନେଇଛନ୍ତି ତାହା କିଛି ଶିଳ୍ପପତିଙ୍କୁ ସୁହାଇବା ହୋଇଛି। ପ୍ରଧାନମନ୍ତ୍ରୀ ହିସାବରେ ସେ ବହୁତ ଅନ୍ୟାୟ କରିଛନ୍ତି ବୋଲି କଂଗ୍ରେସ ଅଧ୍ୟକ୍ଷ ରାହୁଲ ଗାନ୍ଧୀ କହିଛନ୍ତି।
ରାଜସ୍ଥାନର ଡୁଙ୍ଗାରପୁରଠାରେ ମଙ୍ଗଳବାର ରାହୁଲ ଏକ ନିର୍ବାଚନୀ ସଭାରେ ଯୋଗଦେଇ କହିଥିଲେ, ବିଜେପି ସରକାର ବିଗତ ୫ବର୍ଷରେ ବହୁ ଅନ୍ୟାୟ କରିଛି। ବିଶେଷକରି ଆଦିବାଦୀମାନେ ଅଧିକ ଅନ୍ୟାୟର ଶିକାର ହୋଇଛନ୍ତି। କଂଗ୍ରେସ ଆଗାମୀ ୫ବର୍ଷରେ ନ୍ୟାୟ କରିବ। ବିଜେପି ସରକାରକୁ ଆସିଲେ ଗରିବଙ୍କ ପକେଟକୁ ୧୫ ଲକ୍ଷ ଟଙ୍କା ଲେଖାଏ ଯିବ ବୋଲି ପ୍ରତିଶ୍ରୁତି ଦେଇଥିଲା। କିନ୍ତୁ ତାହା ମିଥ୍ୟା ପ୍ରମାଣିତ ହେଲା। ମାତ୍ର କଂଗ୍ରେସ ସରକାର ଆସିଲେ ୨୨ ଲକ୍ଷ ଯୁବତୀଯୁବକଙ୍କୁ ସରକାରୀ କ୍ଷେତ୍ରରେ ନିଯୁକ୍ତି ମିଳିବ ବୋଲି ସେ କହିଥିଲେ।
