ମୁମ୍ବଇ : କରଣ ଜୋହରଙ୍କ ପ୍ରଯୋଜନାରେ ନିର୍ମିତ ଅନେକ ପ୍ରସିଦ୍ଧ କଳାକାରଙ୍କ ଅଭିନୀତ ଚଳଚ୍ଚିତ୍ର ‘କଳଙ୍କ’ ବୁଧବାର(୧୭ ଏପ୍ରିଲ) ମୁକ୍ତିଲାଭ କରିଛି। ଏଥିରେ ବରୁଣ ଧାୱନ, ଆଲିୟା ଭଟ୍ଟ, ସଞ୍ଜୟ ଦତ୍ତ, ମାଧୁରୀ ଦୀକ୍ଷିତ, ସୋନାକ୍ଷୀ ସିହ୍ନା ଓ ଆଦିତ୍ୟ ରୟ କପୁର ଗୁରୁତ୍ୱପୂର୍ଣ୍ଣ ଭୂମିକା ବହନ କରିଛନ୍ତି। ‘କଳଙ୍କ’ ୧୯୪୦ ମସିହାର ଏକ କାହାଣୀ ଉପରେ ପର୍ଯ୍ୟବସିତ। ଅଭିଷେକ ବର୍ମନ ଏହାର ନିର୍ଦ୍ଦେଶନା ଦେଇଛନ୍ତି। ଏହି ଚଳଚ୍ଚିତ୍ର ମାଧ୍ୟମରେ ଦୀର୍ଘ ୨୦ ବର୍ଷ ପରେ ମାଧୁରୀ ଦୀକ୍ଷିତ ଓ ସଞ୍ଜୟ ଦତ୍ତଙ୍କ ଯୋଡ଼ି ପରଦାରେ ଦେଖିବାକୁ ମିଳିଛି। ଏହା କରଣ ଜୋହରଙ୍କ ଡ୍ରିମ୍ ପ୍ରୋଜେକ୍ଟ। କରଣଙ୍କ ପିତା ୟଶ ଜୋହର ଏହି ଚଳଚ୍ଚିତ୍ର ନିର୍ମାଣ କରିବାର ସ୍ୱପ୍ନ ଦେଖିଥିଲେ। ଚଳଚ୍ଚିତ୍ରର ବଜେଟ୍ ପ୍ରାୟ ୮୫କୋଟି ଟଙ୍କା ରହିଛି। ପ୍ରଥମ ଦିନ ବକ୍ସ ଅଫିସରେ ଏହା ୨୩କୋଟି ଟଙ୍କାର ବ୍ୟବସାୟ କରିପାରେ ବୋଲି ଟ୍ରେଡ଼ ଏକ୍ସପର୍ଟଙ୍କ ଆଶା ରହିଛି।
Comments are closed.