ନୂଆଦିଲ୍ଲୀ : ଖାଦ୍ୟପଦାର୍ଥ ଏବଂ ଇନ୍ଧନ ଦର ବୃଦ୍ଧିର ପ୍ରଭାବ ଭାରତୀୟ ପାଇକାରୀ ବଜାର ଉପରେ ପଡ଼ିଛି। ଫଳରେ ମାର୍ଚ୍ଚ ମାସର ପାଇକାରୀ ମୁଦ୍ରାସ୍ଫୀତି ବୃଦ୍ଧି ପାଇ ୩.୧୮%ରେ ପହଞ୍ଚିଛି। ସରକାରଙ୍କ ପକ୍ଷରୁ ସୋମବାର ପ୍ରକାଶିତ ପାଇକାରୀ ମୂଲ୍ୟ ସୂଚକାଙ୍କ (ଡବ୍ଲ୍ୟୁପିଆଇ)ରେ ଏହି ସୂଚନା ଦିଆଯାଇଛି।
ପ୍ରକାଶ ଯେ ଗତ ଫେବୃଆରୀ ମାସରେ ପାଇକାରୀ ମୁସ୍ରାସ୍ଫୀତି ୨.୯୩% ଥିଲା ବେଳେ ଗତ ବର୍ଷ ମାର୍ଚ୍ଚ ମାସରେ ପାଇକାରୀ ମୁଦ୍ରାସ୍ଫୀତି ୨.୭୪% ଥିଲା। ମାର୍ଚ୍ଚ ମାସରେ ପନିପରିବା ଦରରେ ବୃଦ୍ଧି ପରିଲକ୍ଷିତ ହୋଇଛି। ପନିପରିବା ମୁଦ୍ରାସ୍ଫୀତି ଫେବୃଆରୀରେ ୬.୮୨%ରୁ ବୃଦ୍ଧି ପାଇ ମାର୍ଚ୍ଚରେ ୨୮.୧୩%ରେ ପହଞ୍ଚିଛି। ତେବେ ଆଳୁ ଦର ଫେବୃଆରୀରେ ୨୩.୪୦%ରୁ ହ୍ରାସ ପାଇ ମାର୍ଚ୍ଚରେ ୧.୩୦%କୁ ଆସିଯାଇଛି। ମାର୍ଚ୍ଚରେ ଖାଦ୍ୟପଦାର୍ଥ ମୁଦ୍ରାସ୍ଫୀତି ୫.୬୮%, ଇନ୍ଧନ ଏବଂ ବିଦ୍ୟୁତ୍ ମୁଦ୍ରାସ୍ଫୀତି ୫.୪୧% ରହିଛି। ଏହା ପୂର୍ବରୁ ଫେବୃଆରୀରେ ଇନ୍ଧନ ଏବଂ ବିଦ୍ୟୁତ୍ ମୁଦ୍ରାସ୍ଫୀତି ୨.୨୩% ଥିଲା। ଗୋଟିଏ ସପ୍ତାହ ପୂର୍ବରୁ ଜାରି ତଥ୍ୟ ଅନୁସାରେ ଫେବୃଆରୀରେ ଖୁଚୁରା ମୁଦ୍ରାସ୍ଫୀତି ଫେବୃଆରୀରୁ ୨.୫୭%ରୁ ବୃଦ୍ଧି ପାଇ ମାର୍ଚ୍ଚରେ ୨.୮୬%ରେ ପହଞ୍ଚିଛି।
Comments are closed.