ସାଧାରଣତଃ ଶନି ଦେବଙ୍କୁ ନ୍ୟାୟର ଦେବତା ବୋଲି କୁହାଯାଏ। ଏହା ଆମେ ସମସ୍ତେ ଜାଣନ୍ତି ଯେ, ଯାହା ଉପରେ ଶନିଙ୍କ କୁଦୃଷ୍ଟି ପଡ଼େ ଦୁର୍ଭାଗ୍ୟ ତା’ ପିଛା ଛାଡ଼େ ନାହିଁ। ସେହିପରି ଯାହା ଉପରେ ଶନି ଦେବ ପ୍ରସନ୍ନ ହୋଇଥାଆନ୍ତି ତା ଜୀବନ ସୁଖମୟ ହୋଇଥାଏ। ଜ୍ୟୋତିଷ ଶାସ୍ତ୍ରରେ ବ୍ୟକ୍ତି ଉପରେ ଶନିଦେବଙ୍କର ବକ୍ର ଦୃଷ୍ଟି ପଡ଼ିବାର ବହୁତ କାରଣ ରହିଛି। ତେବେ ଚାଲନ୍ତୁ ଜାଣିବା ଆମର କେଉଁ ସବୁ ଭୁଲ୍ ପାଇଁ ଶନିଙ୍କର ଅଶୁଭ ଦୃଷ୍ଟି ଆମ ଉପରେ ପଡ଼ିଥାଏ –
ଯେଉଁ ବ୍ୟକ୍ତି ଧନ ବଳରେ ଅସହାୟ ଏବଂ ଗରିବ ଲୋକଙ୍କୁ ଅପମାନିତ କରନ୍ତି, ଶନିଦେବ ତାଙ୍କ ଉପରେ ବକ୍ର ଦୃଷ୍ଟି ପକାଇଥାନ୍ତି।
ଯେଉଁ ବ୍ୟକ୍ତି ଶନିବାର ଦିନ ଘରକୁ କିଛି ଲୁହା ଜିନିଷ ନେଇ ଆସିଥା’ନ୍ତି ଶନିଦେବ ତାଙ୍କ ଉପରେ କୁଦୃଷ୍ଟି ପକାଇଥାନ୍ତି। ଶନିଦେବଙ୍କ ଖରାପ ଦୃଷ୍ଟି ପଡ଼ିବା ମାତ୍ରକେ ହିଁ ବ୍ୟକ୍ତି କାଙ୍ଗାଳ ହେବାକୁ ଲାଗିଥାଏ। ତେଣୁ ଶନିବାର ଦିନ ଲୁହାର ଦ୍ରବ୍ୟ କିଣିବା କଥା ନୁହେଁ ବରଂ ଦାନ କରିବା ଉଚିତ।
ଶନିବାର ଦିନ ଘରକୁ ତେଲ ଆଣିବା ଉଚିତ ନୁହେଁ। କାରଣ ଏହି ଦିନରେ ଶନିଦେବଙ୍କୁ ତେଲ ଚଢ଼ା ଯାଇଥାଏ।
କୌଣସି ଅନ୍ୟ ବ୍ୟକ୍ତିଙ୍କ ଠାରୁ ଭୁଲରେ ମଧ୍ୟ ଜୋତା ବା ଚପଲ ନେବା ଉଚିତ ନୁହେଁ। ଏହାଦ୍ବାରା ମଧ୍ୟ ଶନିଙ୍କର ଖରାପ ପ୍ରଭାବ ପଡ଼ିଥାଏ।
ଯେଉଁ ବ୍ୟକ୍ତି ନିଜ ଘରକୁ ଆସିଥିବା ବ୍ରାହ୍ମଣ କିମ୍ବା ଗରିବ ବ୍ୟକ୍ତିଙ୍କୁ କୌଣସି ଦାନ ନକରି ଫେରାଇ ଦିଅନ୍ତି ଶନିଦେବ ତାଙ୍କ ଉପରେ ଅଶୁଭ ପ୍ରଭାବ ପକାଇଥା’ନ୍ତି।
