ନୂଆଦିଲ୍ଲୀ: ରାଷ୍ଟ୍ରପତି ରାମନାଥ କୋବିନ୍ଦ ରାଷ୍ଟ୍ରପତି ଭବନରେ ଆୟୋଜିତ ପ୍ରତିରକ୍ଷା ସମ୍ମାନ ପ୍ରଦାନ ଉତ୍ସବରେ ତିନୋଟି କୀର୍ତ୍ତି ଚକ୍ର ଓ ପନ୍ଦରଟି ସୌର୍ଯ୍ୟ ଚକ୍ର ସମ୍ମାନ ପ୍ରଦାନ କରିଛନ୍ତି। ସଶସ୍ତ୍ର ସେନାର ବୀର ଯବାନମାନଙ୍କୁ ସେମାନଙ୍କ ଉଲ୍ଲେଖନୀୟ କାର୍ଯ୍ୟ ପାଇଁ ଏହି ସମ୍ମାନ ପ୍ରଦାନ କରାଯାଇଛି। ଦୁଇଟି କୀର୍ତ୍ତିଚକ୍ର ଓ ଗୋଟିଏ ସୌର୍ଯ୍ୟ ଚକ୍ର ମରଣୋତ୍ତର ଭାବେ ପ୍ରଦାନ କରାଯାଇଛି। ପରମ ବିଶିଷ୍ଟ ସେବା ମେଡାଲ ସେନାବାହିନୀ ମୁଖ୍ୟ ଜେନେରାଲ ବିପିନ ରାୱତଙ୍କୁ ପ୍ରଦାନ କରାଯାଇଛି। ରାଷ୍ଟ୍ରପତି ସେନାର ବରିଷ୍ଠ ଅଧିକାରୀମାନଙ୍କୁ ୧୫ଟି ପରମ ବିଶିଷ୍ଟ ସେବା ପଦକ, ଗୋଟିଏ ଉତ୍ତମ ଯୁଦ୍ଧ ସେବା ପଦକ ଏବଂ ୨୫ଟି ଅତି ବିଶିଷ୍ଟ ସେବା ପଦକ ମଧ୍ୟ ପ୍ରଦାନ କରିଛନ୍ତି। ଏହି ଅବସରରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଓ ପ୍ରତିରକ୍ଷା ମନ୍ତ୍ରୀ ନିର୍ମଳା ସୀତାରମଣ ମଧ୍ୟ ଉପସ୍ଥିତ ଥିଲେ।
Popular Categories
Previous article
Next article