ନୀଳଗିରି: ଲୋକସଭା ଚାଲିଥିବା ବେଳେ ହଠାତ ବାଲେଶ୍ୱର ସାଂସଦ ପ୍ରତାପ ଷଡ଼ଙ୍ଗୀ ଅସୁସ୍ଥ ହୋଇ ପଡ଼ିଛନ୍ତି । ଏନେଇ ତାଙ୍କୁ ଦିଲ୍ଲୀସ୍ଥିତ ରାମ ମନୋହର ଲୋହିଆ(ଆରଏମଏଲ) ହସ୍ପିଟାଲରେ ଭର୍ତ୍ତି କରାଯାଇଛି । ଜଳବାୟୁ ପରିବର୍ତ୍ତନ ଯୋଗୁ ପ୍ରତାପଙ୍କୁ ଥଣ୍ଡା ହୋଇ ଛାତିରେ କଫ ଜମିଥିବା କୁହାଯାଉଛି । ଛାତି ଯନ୍ତ୍ରଣା ହେବାରୁ ପ୍ରତାପ ଉକ୍ତ ହସ୍ପିଟାଲରେ ୨ଦିନ ହେବ ଚିକିତ୍ସାଧୀନ ଅଛନ୍ତି ।
ଏହି ଖବରଶୁଣି କନ୍ଧମାଳ ସାଂସଦ ସୁକାନ୍ତ ପାଣିଗ୍ରାହୀଙ୍କ ସମେତ ବହୁ ବିଜେପି ନେତା ହସ୍ପିଟାଲରେ ଉପସ୍ଥିତ ରହି ଡାକ୍ତରଙ୍କ ସହ ଆଲୋଚନା କରିଛନ୍ତି । ସେପଟେ ନୀଳଗିରି ବିଧାୟକ ସନ୍ତୋଷ ଖଟୁଆଙ୍କ ସମେତ ବହୁ ନେତା ତଥା ନୀଳଗିରିର ବିଭିନ୍ନ ବର୍ଗରୁ ପ୍ରତାପଙ୍କ ଆଶୁ ଆରୋଗ୍ୟ କାମନା କରାଯାଇଛି ।
