ଚେନ୍ନଇ: ଏଫ୍ଆଇଏଚ୍ କନିଷ୍ଠ ପୁରୁଷ ହକି ବିଶ୍ବକପ ପଞ୍ଚମ ସଂସ୍କରଣ-୨୦୨୫ ତାମିଲନାଡୁରେ ଆରମ୍ଭ ହୋଇଛି। ଶୁକ୍ରବାର ଉଦ୍ଘାଟନୀ ଦିବସରେ ୮ ଟି ମ୍ୟାଚ ଖେଳାଯାଇଥିଲା। ଏଥିରେ ଆୟୋଜକ ଭାରତ ସହ ସ୍ବିଜରଲାଣ୍ଡ, ଜର୍ମାନୀ, ଆର୍ୟଲାଣ୍ଡ, ଆର୍ଜେଣ୍ଟିନା, ନ୍ୟୁଜିଲାଣ୍ଡ, ବେଲଜିୟମ ଓ ସ୍ପେନ ବିଜୟ ହାସଲ କରିଛନ୍ତି।
ଚେନ୍ନଇର ମେୟର ରାଧାକ୍ରିଷ୍ଣ ଷ୍ଟାଡ଼ିୟମରେ ଖେଳାଯାଇଥିବା ଗ୍ରୁପ-ବି ମ୍ୟାଚରେ ଭାରତ ୭-୦ ଗୋଲରେ ଚିଲିକୁ ପରାସ୍ତ କରି ଅଭିଯାନ ଆରମ୍ଭ କରିଛି। ଭାରତ ପକ୍ଷରୁ ୧୬ ମିନିଟ୍ରେ ରୋଶନ କୁଜୁର ପ୍ରଥମ ଓ ୨୧ ମିନିଟ୍ରେ ଦ୍ବିତୀୟ ଗୋଲ ଦେଇଥିଲେ। ୨୫ ମିନିଟ୍ରେ ଭାରତ ପକ୍ଷରୁ ଦିଲରାଜ ସିଂହ ତୃତୀୟ ଗୋଲ ଦେଇଥିଲେ। ପ୍ରଥମାର୍ଦ୍ଧ ସୁଦ୍ଧା ଭାରତ ୩-୦ ଗୋଲରେ ଆଗୁଆ ରହିଥିଲା। ତୃତୀୟ କ୍ବାର୍ଟର ତଥା ଖେଳର ୩୪ ମିନିଟ୍ରେ ଭାରତ ପକ୍ଷରୁ ଦିଲରାଜ ସିଂହ ଚତୁର୍ଥ, ୩୫ ମିନିଟ୍ରେ ଅଜିତ ଯାଦବ ପଞ୍ଚମ ଗୋଲ ଦେଇଥିଲେ। ତୃତୀୟ କ୍ବାର୍ଟର ସୁଦ୍ଧା ଭାରତ ୫-୦ ଗୋଲରେ ଆଗୁଆ ରହିଥିଲା। ୪୮ ମିନିଟ୍ରେ ଭାରତ ପକ୍ଷରୁ ଅନମୋଲ ଏକ୍କା ଷଷ୍ଠ ଓ ୬୦ ମିନିଟ୍ରେ ରୋହିତ ସପ୍ତମ ଗୋଲ ଦେଇ ଦଳକୁ ୭-୦େର ବିଜୟ କରାଇଥିଲେ ।
ଏହି ବିଜୟ ସହ ଭାରତ ୩ ପଏଣ୍ଟ ପାଇଛି। ଭାରତ ଦ୍ବିତୀୟ ମ୍ୟାଚ ୨୯ରେ ଓମାନ ସହ ଖେଳିବ। ଗ୍ରୁପ-ବି ର ଦ୍ବିତୀୟ ମ୍ୟାଚରେ ସ୍ବିଜରଲାଣ୍ଡ ୪-୦ ଗୋଲରେ ଓମାନକୁ ପରାସ୍ତ କରିଛି। ସ୍ବିଜରଲାଣ୍ଡ ପକ୍ଷରୁ ବାମ୍ବୋଚ ୧୫, ରିବାଉଡୁ ୨୩, କ୍ରାକନର ୩୩ ଓ ବ୍ରୁନଲୋଡ ୫୮ ମିନିଟ୍ରେ ଗୋଟିଏ ଲେଖାଏଁ ଗୋଲ ଦେଇଥିଲେ। ମଦୁରାଇରେ ଗ୍ରୁପ-ଏ ର ପ୍ରଥମ ମ୍ୟାଚରେ ଜର୍ମାନୀ ୪-୦ ଗୋଲରେ ଦକ୍ଷିଣ ଆଫ୍ରିକାକୁ ପରାସ୍ତ କରିଛି। ଜର୍ମାନୀ ପକ୍ଷରୁ ଜୋଷ୍ଟୁସ ୱାରାଗେ ୧୯ ଓ ୫୬ ମିନିଟ୍ରେ ୨ଟି, ବେନ୍ ହାସବୁଚ ୪୩ ଓ ଗ୍ଲାଣ୍ଡର ପଲ ୪୪ ମିନିଟ୍ରେ ଗୋଟିଏ ଲେଖାଏଁ ଗୋଲ ଦେଇଥିଲେ। ଦ୍ବିତୀୟ ମ୍ୟାଚରେ ଆର୍ୟଲାଣ୍ଡ ୪-୩ ଗୋଲରେ କାନାଡାକୁ ପରାସ୍ତ କରିଛି।
Cool as you like from Rosan Kujur! 🧊 🆒
Kujjur’s double helps India take a 3-0 lead into half time against Chile at #JWC2025!
📱Get your https://t.co/igjqkvA4ct pass now and watch all the games LIVE! #RisingStars #Hockey #MadeForhockey #India @TheHockeyIndia pic.twitter.com/kUSjm4dU5A
— International Hockey Federation (@FIH_Hockey) November 28, 2025
ଆର୍ୟଲାଣ୍ଡ ପକ୍ଷରୁ ରୋଏ ୧୩ ଓ ୩୩ ମିନିଟ୍ରେ ୨ଟି, ୱିଲିୟମ୍ସ ୩୫ ଓ ଥମ୍ସନ ୪୧ ମିନିଟ୍ରେ ଗୋଟିଏ ଲେଖାଏଁ ଗୋଲ ଦେଇଥିଲେ। କାନାଡା ପକ୍ଷରୁ ଡି ସୁଜା ୪୮ ଓ ୫୩ ମିନିଟ୍ରେ ୨ଟି ଓ ବୁଲାର ୨୬ ମିନିଟ୍ରେ ଗୋଟିଏ ଗୋଲ ଦେଇଥିଲେ। ତାମିଲନାଡୁର ଚେନ୍ନଇ ଓ ମଦୁରାଇରେ ଖେଳାଯାଉଛି। ଏଥିରେ ୨୪ଟି ଦଳ ଅଂଶଗ୍ରହଣ କରିଛନ୍ତି। ଡିସେମ୍ବର ୧୦ରେ ଫାଇନାଲ ଖେଳାଯିବ। ଗ୍ରୁପ୍-ସି ମ୍ୟାଚରେ ଆର୍ଜେଣ୍ଟିନା ୪-୧ ଗୋଲରେ ଜାପାନକୁ ଓ ନ୍ୟୁଜିଲାଣ୍ଡ ୫-୩ ଗୋଲରେ ଚୀନକୁ ପରାସ୍ତ କରିଛି। ଗ୍ରୁପ-ଡି ମ୍ୟାଚରେ ସ୍ପେନ ୮-୦ ଗୋଲରେ ଇଜିପ୍ଟିକୁ ଓ ବେଲଜିୟମ ୧୨-୧ ଗୋଲରେ ନାମ୍ବିଆକୁ ପରାସ୍ତ କରିଛି।
