ଭୁବନେଶ୍ବର : ରାଜଧାନୀରେ ବଧୂ ହତ୍ୟା ଅଭିଯୋଗ ହୋଇଛି। ଯୌତୁକ ନିର୍ଯାତନା ପାଇଁ ତାଙ୍କୁ ହତ୍ୟା କରାଯାଇଥିବା କୁହାଯାଇଛି। ଏପରି ଅଭାବନୀୟ ଘଟଣା ଭୁବନେଶ୍ବର କେଶୁରା ସ୍ଥିତ ଆଶୁତୋଷ ନଗରରେ ଘଟିଛି। ମଙ୍ଗଳବାରରେ ମହିଳା ଜଣକ ବେକରେ ରଶି ଲଗାଇ ଆତ୍ମହତ୍ୟା କରିଥିବାର ଅଭିଯୋଗ କରାଯାଇଛି। ଏହି ଘଟଣା ପରେ ମହିଳାଙ୍କ ବାପ ଘର ଲୋକେ ସେଠାରେ ପହଞ୍ଚିଥିଲେ। ତେବେ ପୁଲିସକୁ ଏ ସମ୍ପର୍କରେ ମହିଳାଙ୍କ ଶାଶୂ ଘର ଲୋକ କୌଣସି ସୂଚନା ଦେଇନଥିବା କୁହାଯାଇଛି। ତେବେ କିଛି ଦିନ ଧରି ମହିଳାଙ୍କୁ ତାଙ୍କ ଶାଶୂ ଘର ଲୋକେ ଯୌତୁକ ପାଇଁ ନିର୍ଯାତନା ଦେଉଥିବାର ଅଭିଯୋଗ ହୋଇଛି। ଏ ନେଇ ଥାନାରେ ଅଭିଯୋଗ ହେବା ପରେ ପୁଲିସ ତଦନ୍ତ ଆରମ୍ଭ କରିଛି।
