ଗଜପତି: ସାମୁଦ୍ରିକ ଝଡ ମନ୍ଥାର ପ୍ରଭାବରେ ଗଜପତି ଜିଲ୍ଲାରେ ଗତ ତିନି ଦିନ ହେଲା ତୁହାକୁ ତୁହା ବର୍ଷା ଜାରି ରହିଛି । ଏହି ବର୍ଷା ପ୍ରଭାବରେ ଜିଲ୍ଲାର ବିଭିନ୍ନ ସ୍ଥାନରେ ଭୁସ୍ଖଳନ, ରାସ୍ତା ଧୋଇଯିବା ଆଦି ଘଟଣାମାନ ଲାଗି ରହିଛି । ତେବେ ଆଜି ପ୍ରତ୍ୟୁଷରୁ ରାୟଗଡ ବ୍ଲକ ଅନ୍ତର୍ଗତ ଶାଙ୍କୁଡା-ଖିଲିଗଣ୍ଡା ଘାଟି ରାସ୍ତାରେ ପାହାଡ ଧସିଥିବାର ଜଣାପଡିଛି । ଫଳରେ ଖିଲିଗଣ୍ଡା, ଶାଙ୍କୁଡା, ବୋଣ୍ଡା ଆଦି ଗ୍ରାମାଞ୍ଚଳର ଏକ ହଜାରରୁ ଉର୍ଦ୍ଧ ଜନସାଧାରଣଙ୍କ ଯାତାୟତ ସମ୍ପୂର୍ଣ୍ଣ ଠପ୍ ହୋଇଯାଇଛି । ଘଟଣା ସମ୍ପର୍କରେ ଖବର ପାଇ ଗ୍ରାମ୍ୟ ଉନ୍ନୟନ ବିଭାଗୀୟ ଅଧିକାରୀ ଓ କର୍ମଚାରୀ ମାନେ ରାସ୍ତା ଉପରେ ପଡିଥିବା ମାଟି ଗୁଡିକୁ ବାହାର କରିବା ପାଇଁ ମେସିନ ନେଇ ଯାଉଥିବାର ବିଭାଗୀୟ ଯନ୍ତ୍ରୀ କହିଛନ୍ତି । ସେହିପରି ବର୍ଷା ପ୍ରଭାବରେ ଅବାପୁର-କରଣସାହି ରାସ୍ତାରେ ପାଣି ଭାସୁଛି । ଫଳରେ ଏହି ଅଞ୍ଚଳରେ ୩୦୦ରୁ ଉର୍ଦ୍ଧ ଜନସାଧାରଣ ଯାତାୟତ କରିବାରେ ନାନାଦି ସମସ୍ୟାର ସମ୍ମୁଖୀନ ହେଉଛନ୍ତି ।
Popular Categories
Previous article
Next article