କୋଲକାତା – ଦୂର୍ଗାପୁରରେ ଓଡିଆ ଡାକ୍ତରୀ ଛାତ୍ରୀଙ୍କ ଗଣଦୁଷ୍କର୍ମ ମାମଲାରେ ଦୁର୍ଗାପୁର କୋର୍ଟ ଅଭିଯୁକ୍ତମାନଙ୍କର ଟେଷ୍ଟ ଆଇଡେଣ୍ଟିଫିକେସନ୍ (TI) ପରେଡ୍ ପାଇଁ ନିର୍ଦ୍ଦେଶ ଦେଇଛନ୍ତି।
ଏହି ଘଟଣା ଅକ୍ଟୋବର ୧୦ ତାରିଖରେ ଘଟିଥିଲା ପୀଡିତା ଏବଂ ତାଙ୍କ ସହପାଠୀ ୱାସେଫ୍ ଅଲି ରାତ୍ରୀଭୋଜନ ପାଇଁ ସେମାନଙ୍କ ମେଡିକାଲ୍ କଲେଜ କ୍ୟାମ୍ପସ୍ ବାହାରକୁ ଯାଇଥିବା ସମୟରେ ଏହି ଗଣ ଦୁଷ୍କର୍ମ ହୋଇଥିଲା ।
ଅଭିଯୁକ୍ତମାନଙ୍କ ମଧ୍ୟରୁ ତିନି ଜଣ ଏକ ନିର୍ଜନ ଜଙ୍ଗଲ ଅଞ୍ଚଳରେ ଏହି ଦୁଇ ଜଣଙ୍କୁ ଦେଖିଥିଲେ । ସେମାନେ ପ୍ରଥମେ ଟଙ୍କା ଦାବି କରିଥିଲେ। । ପୁରୁଷ ବନ୍ଧୁ ଟଙ୍କା ଆଣିବା ପାଇଁ ଯାଇଥିବା ସମୟରେ, ପୀଡିତାଙ୍କୁ ଦୁଷ୍କର୍ମ କରାଯାଇଥିଲା ବୋଲି ଅଭିଯୋଗ ହୋଇଛି। ପରେ ଆଉ ଦୁଇଜଣ ବ୍ୟକ୍ତି ଘଟଣାସ୍ଥଳକୁ ଆସିଥିଲେ । ପୀଡିତାଙ୍କ ଫୋନ୍ ଅଭିଯୁକ୍ତମାନେ ଛଡାଇ ନେଇଥିଲେ ।
ଏହି ଘଟଣାରେ ସମସ୍ତ ଅଭିଯୁକ୍ତଙ୍କ ସହ ଡାକ୍ତରୀ ଛାତ୍ରୀଙ୍କ ପୁରୁଷ ବନ୍ଧୁଙ୍କୁ ଗିରଫ କରାଯାଇଥିଲା । ଏମାନଙ୍କ ଟିଆଇ ପରେଡ୍ ପାଇଁ କୋର୍ଟ ନିର୍ଦେଶ ଦେଇଛନ୍ତି ।
