ସମାଜ ନ୍ୟୁଜ ଡେସ୍କ: ସଂଘର୍ଷ କରି ଶେଷରେ ପରାସ୍ତ ହେଲା ଭାରତୀୟ ମହିଳା ଦଳ । ମହିଳା ବିଶ୍ବକପ କ୍ରିକେଟର ଏକ ଗୁରୁତ୍ବପୂର୍ଣ୍ଣ ମ୍ୟାଚରେ ଇଂଲଣ୍ଡଠାରୁ ମାତ୍ର ୪ ରନ୍ ରେ ହାରିଯାଇଛି ଟିମ୍ ଇଣ୍ଡିଆ । ସ୍ମୃତି ମାନ୍ଧନାଙ୍କ, ହରମୀନପ୍ରିତ କୌର ଓ ଦୀପ୍ତି ଶର୍ମାଙ୍କ ଅର୍ଦ୍ଧଶତକୀୟ ଇନିଂସ ପରେ ବି ମ୍ୟାଚ ଭାରତ ହାତରୁ ଛଡ଼ାଇ ନେଇଥିଲା ଇଂଲଣ୍ଡ । ଶେଷ ୨୨ ବଲରେ ୨୮ ରନ୍ ବାକି ଥାଇ ହାତରେ ୪ଟି ୱିକେଟ ଥିବା ସତ୍ତ୍ବେ ଇଣ୍ଡିଆ ମ୍ୟାଚକୁ ଅକ୍ତିଆରକୁ ନେଇପାରି ନଥିଲା ।
- Advertisement -
ଭାରତ ବିପକ୍ଷରେ ଏହି ମ୍ୟାଚ ଜିତି ଇଂଲଣ୍ଡ ୯ ପଏଣ୍ଡ ହାସଲ କରି ପଏଣ୍ଚ ଟେବୁଲ ଦ୍ବିତୀୟ ସ୍ଥାନକୁ ଉନ୍ନିତ ହୋଇଛି । ସେହିପରି ୫ଟି ମ୍ୟାଚ ଖେଳି ମାତ୍ର ୨ଟିରେ ବିଜୟ ହାସଲ କରିଥିବା ଟିମ୍ ଇଣ୍ଡିଆ ୪ ପଏଣ୍ଟ ସହ ଚତୁର୍ଥ ସ୍ଥାନରେ ରହିଛି । ଇଂଲଣ୍ଡ ବ୍ୟାଟ୍ସମ୍ୟାନ ହେଥର ନାଇଟ୍ ଙ୍କୁ ପ୍ଲେୟାର ଅଫ୍ ଦ ମ୍ୟାଚ ଘୋଷଣା କରାଯାଇଛି ।
ଭାରତୀୟ ମହିଳା ଦଳ ଅକ୍ଟୋବର 23 ତାରିଖରେ ମୁମ୍ବାଇରେ ନ୍ୟୁଜିଲାଣ୍ଡ ବିପକ୍ଷରେ ପରବର୍ତ୍ତୀ ମ୍ୟାଚ ଖେଳିବ ।
