ରଣପୁରଗଡ: ନୟାଗଡ଼ ଜିଲ୍ଲା ରଣପୁର ତହସିଲ ଅନ୍ତର୍ଗତ ରଣପୁରଗଡ ମୌଜାରେ ଜମି କେଳେଙ୍କରୀ ଘଟଣା ସ୍ଥାନୀୟ ଅଞ୍ଚଳରେ ଆଲୋଡ଼ନ ସୃଷ୍ଟି କରିଥିଲା। ପ୍ରାୟ ଏକ ସପ୍ତାହ ଧରି ଏହି ଘଟଣା ଅଞ୍ଚଳରେ ଚର୍ଚ୍ଚାର ବିଷୟ ପାଲଟିଥିବାବେଳେ ଉକ୍ତ ଜମିଗୁଡ଼ିକ ଏବେ ସରକାରୀ ଖାତାକୁ ଫେରିଛି।
ସୂଚନା ଅନୁସାରେ, ତହସିଲଦାର ଡ. ଆର୍ଯ୍ୟ କୁମାର ସର୍ବଦମନ ଛୁଟିରେ ଥିବାବେଳେ ତାଙ୍କ ଅଗେ।ଚରରେ ଜମି ମାଫିଆମାନେ ତଳିଆ କର୍ମଚାରୀଙ୍କ ମାଧ୍ୟମରେ ତହସିଲଦାରଙ୍କ ଡିଜିଟାଲ ଦସ୍ତଖତ କରି ସରକାରୀ ଜମି ହାତେଇ ନେଇଥିଲେ। ଏହା ପରେ ତରବରିଆ ଭାବେ ଅଧଘଣ୍ଟା ଭିତରେ ନିଜ ନାମରେ ପଟ୍ଟା କରାଇ ନେଇଥିଲେ। ସେହିଦିନ ବିଶ୍ୱସ୍ତ ସୂତ୍ରରୁ ଖବର ପାଇ ତୁରନ୍ତ କେଳେଙ୍କରୀରେ ସମ୍ପୃକ୍ତ ଥିବା କିଛି ଅଧିକାରୀ ଓ କର୍ମଚାରୀଙ୍କ ବିଷୟରେ ଜିଲାପାଳଙ୍କୁ ଅବଗତ କରାଯାଇଥିଲା। ପରେ ସେମାନଙ୍କୁ ଜିଲା ଜିଲା ମୁଖ୍ୟାଳୟକୁ ଫେରାଇ ନିଆଯାଇଥିଲା। ଫଏସଲା ହେଇଥିବା ଦାଖଲ ଖାର୍ଜ୍ୟ ମାମଲାକୁ ଖାରଜ କରିବା ପାଇଁ ସରକାରଙ୍କ ତରଫରୁ ମାମଲା ୩୩/୨୦୨୫ ରୁଜୁ କରାଯାଇ ପୁନଃ ବିଚାର କରି ଖାତା ନମ୍ବର ୧୪୮୨, ପ୍ଳଟ୍ ନମ୍ବର ୨୩୬୩, ରକବା-ଏ୦୧.୭୨ଡି, ୨୩୬୪ପ୍ଳଟ୍, ରକବା- ଏ୦.୦୨ଡି. ଓ ୨୩୬୬ ପ୍ଳଟ୍ ୦.୨୧ଡିସିମିଲ୍ ଜମିକୁ ପୁନର୍ବାର ସରକାରୀ ଖାତାକୁ ଫେରାଇ ନେଇଥିବା ତହସିଲଦାର ଡ. ସର୍ବଦମନ ସୁଚନା ଦେଇଛନ୍ତି।
