ସମାଜ ଡିଜିଟାଲ ଡେସ୍କ: କମିଶନରେଟ ପୁଲିସ ହାତରେ ଧରାପଡ଼ିଛନ୍ତି ୫ ଆନ୍ତଃରାଜ୍ୟ ଲୁଟେରା। ଏହି ୫ ଜଣ ଝାଡ଼ଖଣ୍ଡର ୩ଟି ପାହାଡ଼ି ଗ୍ୟାଙ୍ଗର ସଦସ୍ୟ ବୋଲି ଜଣାପଡ଼ିଛି। ସେମାନଙ୍କ ନିକଟରୁ ପୁଲିସ ୫୦ରୁ ଅଧିକ ଚୋରି ମୋବାଇଲ ଫୋନ ଜବତ ହୋଇଛି।
ଅଭିଯୁକ୍ତମାନେ ରାଜଧାନୀ ଭୁବନେଶ୍ଵର ସମେତ ବିଭିନ୍ନ ଅଞ୍ଚଳରୁ ମୋବାଇଲ ଫୋନ ଲୁଟ୍ କରୁଥିଲେ। ରାସ୍ତାଘାଟରେ ପଥଚାରୀଙ୍କଠାରୁ ମୋବାଇଲ ଛଡ଼ାଇ ନେଇ ଦ୍ରୁତଗତିରେ ବାଇକରେ ପଳାଉଥିଲେ। ପୁଲିସ ଅଭିଯୁକ୍ତମାନଙ୍କୁ ଧରିବା ପରେ ଅଧିକ ପଚରାଉଚରା ଚଳାଇଛି। ସେମାନେ ଅନ୍ୟ କୌଣସି ଆପରାଧିକ ଘଟଣାରେ ସମ୍ପୃକ୍ତ ଅଛନ୍ତି କି ନାହିଁ ସେ ନେଇ ପୁଲିସ ତଦନ୍ତ କରୁଥିବା ସୂଚନା ମିଳିଛି।
